Səhiyyə Nazirliyi “Koxlear implantasiya əməliyyatlarının aparılmasına ehtiyacı olan uşaqların qeydiyyatının aparılması, seçilməsi, müayinə və müalicəsi üzrə Komissiya”ya müraciət edən ailələrin, əməliyyat və ondan sonrakı dövrdə reabilitasiya məsələləri ilə bağlı məlumatlandırılması üçün xüsusi məktəb təşkil edib. Səhiyyə Nazirliyinin mətbuat xidmətindən APA-ya verilən xəbərə görə, məktəb 10 aprel ATU-nun Tədris-Cərrahiyyə Klinikasında ilk dərslərinə başlayacaq.
Məktəbdə komissiyaya müraciət edən ailələrə uşaqların ağır eşitmə problemləri, onun həlli yolları, koxlear implantasiya əməliyyatı və bu əməliyyatdan sonrakı dövrdə reabilitasiya məsələləri ilə əlaqəli mühazirələr oxunacaq, praktik təlimlər keçiriləcəyi barədə məlumat veriləcək. Hazırda məktəbin təşkili üçün ATU-nun Tədris-Cərrahiyyə Klinikasında bütün lazımi şərait və mütəxəssislərdən ibarət qrup yaradılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
