FHN Bakı Beynəlxalq Dəniz Ticarət Limanında taktiki xüsusi təlim keçirib - FOTO

FHN Bakı Beynəlxalq Dəniz Ticarət Limanında taktiki xüsusi təlim keçirib - FOTO
# 08 fevral 2024 10:27 (UTC +04:00)

Fövqəladə Hallar Nazirliyi tərəfindən “Bakı Beynəlxalq Dəniz Ticarət Limanı” QSC-nin müraciəti əsasında Liman ərazisində maarifləndirmə tədbiri və taktiki xüsusi təlim keçirilib.

APA nazirliyə istinadən xəbər verir ki, FHN-in Baş əməliyat idarəsinin təşkil etdiyi maarifləndirmə tədbiri Liman ərazisində baş verə biləcək fövqəladə hallara çevik reaksiya verilməsi, xilasetmə və digər təxirəsalınmaz əməliyyatların həyata keçirilməsi, təhlükəli yüklərin (yanğın, radioaktiv, partlayıcılar, tezalışan və zəhərli qazlar, zəhərli (toksik) və yoluxucu maddələrin) daşınması, saxlanılması və həmin maddələrin mümkün dağılmaları zamanı zərərsizləşdirilməsi, həmçinin ətraf mühitin mühafizəsi, təhlükəli yüklərlə bağlı istehsalat sanitariyası qaydalarının aşılanması məqsədilə reallaşdırılıb.

Fövqəladə Hallar Nazirliyi və “Bakı Beynəlxalq Dəniz Ticarət Limanı” QSC-nin qüvvə və vasitələrinin cəlb olunduğu taktiki xüsusi təlim zamanı isə təhlükəli yüklərin daşınması, saxlanılması və həmin maddələrin mümkün dağılması zamanı şəxsi heyət tərəfindən həyata keçirilən təxirəsalınmaz tədbirlərin, belə hallarda əməliyyat və qarşılıqlı fəaliyyət planlarının reallığının yoxlanılması prosesi həyata keçirilib.

Sonda əldə edilmiş nəticələr təhlil olunub, aidiyyəti üzrə tapşırıqlar verilib.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR