Nigeriya vətəndaşının yeni doğulan uşağı Sabirabad xəstəxanasında ölüb, cinayət işi başlanıb

Nigeriya vətəndaşının yeni doğulan uşağı Sabirabad xəstəxanasında ölüb, cinayət işi başlanıb
# 15 dekabr 2023 16:05 (UTC +04:00)

Yenidoğulmuş uşağın ölməsi faktı ilə bağlı cinayət işi başlanıb.

Sabirabad rayon prokurorluğundan APA-ya verilən xəbərə görə, bu il avqustun 5-də Nigeriya Respublikası vətəndaşı Osabuohien Glory Abiesin “Sabirabad RMX” PHŞ-nın Regional Perinatal Mərkəzin doğum evində yenidoğulmuş uşağının ölməsi faktı ilə bağlı rayon prokurorluğunda araşdırma aparılıb.

Aparılmış araşdırmalarla qeyd olunan xəstəxananın həkimləri tərəfindən doğuş zamanı dölün vəziyyətinin düzgün müəyyən edilməsi üçün tədbirlərin icra edilməməsi, doğuş prosesinin başa çatdırılma üsulunun diaqnoza uyğun düzgün seçilməməsi, həmçinin yenidoğulmuşun real vəziyyətinin düzgün qiymətləndirilməməsi və zəruri tibbi yardımın tam həcmdə göstərilməməsi nəticəsində uşağın doğuşdan bir gün sonra ölməsinə əsaslı şübhələr müəyyən edilib.

Faktla bağlı Sabirabad rayon prokurorluğunda Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddəsilə cinayət işi başlanıb.

Hazırda istintaq davam edir.

#
#

ƏMƏLİYYAT İCRA OLUNUR