Bakı. Şəhriyar Əlizadə _ APA. Bu gün Bakı Ağır Cinayətlər Məhkəməsində “Quest Net” şirkətinin əməkdaşları Müşfiq Kazımov, Rasim Qəhrəmanov, Emin Məmmədov, Elşad Muradov və Ceyhun İbrahimovun cinayət işi üzrə məhkəmə prosesi davam etdirilib.
APA-nın məlumatına görə, prosesdə xalq artisti Tariyel Qasımov zərərçəkmiş şəxs qismində ifadə verib. O, şikayətçi olmadığını və dəymiş ziyanın ödənildiyini deyib. Daha sonra prosesdə digər zərərçəkmişlər - Rahim Qədimov, Bikə İsmayılova və Mərcan Camalov ifadə veriblər. Onlar da şikayətlərinin olmadığını deyiblər.
Məhkəmə proses mayın 14-də davam etdiriləcək.
Qeyd edək ki, Müşfiq Kazımov və digərləri Cinayət Məcəlləsinin 178.3.1 (mütəşəkkil dəstə tərəfindən dələduzluq) maddəsinə əsasən ittiham olunurlar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
