Balakən. Vüqar Heydərov - APA. Azərbaycanın Balakən rayonunda yanğın hadisəsi qeydə alınıb. Fövqəladə Hallar Nazirliyi (FHN) Balakən Yanğından Mühafizə Hissəsindən APA-nın Şəki-Zaqatala bürosuna verilən məlumata görə, yanğın rayonun Kortala kəndində Mehman Şıxıyevin həyətyani sahəsində tikilmiş, ümumi sahəsi 80 kv/m olan mal tövləsində qeydə alınıb.
Hadisə yerinə Balakən rayon YMH-nin texnikası və canlı qüvvəsi cəlb edilib. Yanğın nəticəsində mal tövləsinin yanar konstruksiyaları və 9 ton quru ot kütləsi yanıb.
Balakən rayon YMH-nin əməkdaşlarının səyi nəticəsində yanğının genişlənərək yaxınlıqdakı tikililərə keçməsinin qarşısı alınıb.
Faktla bağlı Balakən rayon YMH-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
