DİN və Baş Prokurorluq Bakıda Hindistan vətəndaşının qətli ilə bağlı birgə məlumat yayıb

DİN və Baş Prokurorluq Bakıda Hindistan vətəndaşının qətli ilə bağlı birgə məlumat yayıb
# 15 mart 2013 10:15 (UTC +04:00)

Bakı. Hafiz Heydərov – APA. Daxili İşlər Nazirliyi (DİN) və Baş Prokurorluq Bakıda Hindistan vətəndaşını qətli ilə bağlı birgə məlumat yayıb. Baş Prokurorluğun mətbuat xidmətindən APA-ya verilən məlumatda bildirilir ki, martın 9-da saat 11 radələrində Bakı şəhəri, N.Rəfiyev küçəsi, 17 A ünvanında Hindistan Respublikası vətəndaşı Chaudhary Binod Kumarın üzərində zorakılıq əlamətləri olan meyiti aşkar edilib.

Fakta görə həmin tarixdə Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb və martın 14-də cinayət işi həmin Məcəllənin 120.2.4-cü (xüsusi amansızlıqla qəsdən adam öldürmə) maddəsinə tövsif edilib.

Daxili işlər və prokurorluq orqanlarının əməkdaşları tərəfindən həyata keçirilmiş təxirəsalınmaz istintaq və əməliyyat-axtarış tədbirləri nəticəsində cinayəti törətməkdə şübhəli bilinən şəxs - 1986-cı ildə Pakistan İslam Respublikasının Lahor şəhərində anadan olmuş Ali Abid Ahmad Bashir martın 15-də tutularaq istintaqa cəlb olunub.

Hazırda qeyd edilən cinayət işi üzrə tam, hərtərəfli və obyektiv istintaq aparılmaqla hadisənin başvermə səbəblərinin və digər xüsusatların müəyyənləşdirilməsi istiqamətində zəruri istintaq-əməliyyat tədbirləri davam etdirilir.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR