Lənkəranda minik avtomobili velosipedçini vuraraq öldürüb

Lənkəranda minik avtomobili velosipedçini vuraraq öldürüb
# 04 may 2015 09:22 (UTC +04:00)

Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) istintaq və təhqiqat şöbəsinin müstəntiqi Elmar Quliyevin APA-nın cənub bürosuna verdiyi məlumata görə, hadisə mayın 3-də saat 22.30 radələrində Ələt-Astara magistralının Lənkəran rayonunun Gərmətük qəsəbəsi ərazisindən keçən hissəsində qeydə alınıb.

Lənkəran rayonunun Şürük kənd sakini, 1982-ci il təvəllüdlü Zamiq Mehman oğlu Səfərov idarə etdiyi “Mitsubishi Pajero” markalı, 90-BA-411 dövlət nömrə nişanlı minik avtomobili ilə Ələt istiqamətində hərəkətdə olarkən eyni istiqamətdə hərəkətdə olan velosipedçi, Lənkəran şəhər sakini, 1982-ci il təvəllüdlü Raqib Ramiz oğlu Səfərovu vurub. R. Səfərov aldığı xəsarətlərdən hadisə yerində dünyasını dəyişib.

Faktla bağlı DİN BDYPİ-nin istintaq və təhqiqat şöbəsində araşdırma aparılır.

#
#

ƏMƏLİYYAT İCRA OLUNUR