İnfrastruktur

Ana səhifə

İnfrastruktur

Azərbaycanda internet provayderlərin fəaliyyəti yenidən lisenziyalaşdırıla bilər

12 aprel 2010 11:57 (UTC +04:00)

“APA-Economics”in məlumatına görə, bunu rabitə və informasiya texnologiyaları naziri Əli Abbasov bildirib.

Nazirin sözlərinə görə, bir neçə il əvvəl internet xidmətlərinin inkişafı və bu bazarın liberallaşdırılması məqsədilə nazirlik internet provaydinq xidmətləri üçün nəzərdə tutulmuş lisenziyalaşma prosedurlarını ləğv edərək provayderlərin üzərindən nəzarəti götürüb: “Lakin hazırda internetin inkişaf etməsinə və geniş yayılmasına baxmayaraq, ölkədə internet xidmətlərinin keyfiyyəti lazımi səviyyədə deyil. Nazirliyin provayderlərə təsir göstərmək və nəzarət etmək üçün tələb olunan səlahiyyəti yoxdur. Bu səbəbdən istifadəçilərin (istehlakçıların) hüquqları pozulur və onlar ödədikləri vəsaitlərin əvəzində keyfiyyətsiz xidmət alır, narazılıqlarını bildirirlər”.

Qeyd edək ki, qeyri-dövlət qurumlarının keçirdiyi monitorinqlərin nəticələri göstərib ki, hazırda bir sıra provayderlər müştəriləri ilə bağladıqları müqavilələrdə göstərilən sürəti istifadəçilərə təqdim etmir, hətta bəzi hallarda 2-3 dəfə aşağı sürətlə xidmət göstərirlər.