AZAL Bakı-London-Bakı aviareysinə biletləri ucuzlaşdırıb

AZAL Bakı-London-Bakı aviareysinə biletləri ucuzlaşdırıb
# 01 noyabr 2012 11:04 (UTC +04:00)
Bakı. Nicat Mustafayev – APA-Economics. «Azərbaycan Hava Yolları» QSC (AZAL) Bakı-London-Bakı aviareysi üzrə biletlərin minimal qiymətini təxminən 10% endirib.

AZAL-dan «APA-Economics»ə verilən məlumata görə, əgər bundan öncə hər iki istiqamətdə bir aviabiletin minimal qiyməti 550 manat təşkil edirdisə, hazırda aviabiletin qiyməti 496 manat təşkil edir: «Bu qiymətə olan biletlər dekabrın 22-dən yanvarın 15-dək uçuşlar üçün şamil edilmir. Qiymətə bütün rüsum və yığımlar daxildir».

AZAL-dan həmçinin bildirilib ki, Bakı-London marşrutu üzrə bir istiqamətdə aviabiletin qiymətinə endirim tətbiq olunmayıb və bir istiqamətə biletin minimal qiyməti əvvəlki kimi 318 manat təşkil edir.

Qeyd edək ki, oktyabrın 28-dən etibarən AZAL Bakı-London-Bakı aviareysi üzrə uçuşları hər gün yetirməyə başlayıb.
#
#

ƏMƏLİYYAT İCRA OLUNUR