İstanbul. Mayis Əlizadə - APA. “83 yaşım var, 7 yaşımdan şeir yazıram. Qara dəniz bölgəsindəki deyişmə və atmaca mahnılarının 90%-ni əzbər bilirəm. Mədəniyyət və Turizm Nazirliyi dekabrın əvvəlində atmaca, deyişmə, dastan və şeirlərimin toplandığı iri həcmli kitabımı çıxaracaq”.
Bunu APA-nın Türkiyə müxbirinə açıqlamasında Rizə vilayətində yaşayan el şairi, deyişmə və atmacaların mahir ustası Osman Əfəndioğlu deyib. Bu günlərdə adı UNESCO-nun “Yaşayan xəzinələr siyahısı”na daxil edilən Osman Əfəndioğlu noyabrın 3-də prezident Rəcəb Tayyib Ərdoğan tərəfindən Ankaradakı Beştəpə iqamətgahında qəbul edilib. O. Əfəndioğlu deyib ki, bu mükafatı əvvəlcə dünyaya, sonra Türkiyəyə, sonra Azərbaycana, sonra islam dünyasına və Rizəyə ithaf edir: “Azərbaycana sayğı və sevgimi göndərirəm”.
“Prezidentlə görüşünüz necə keçdi?” sualına O. Əfəndioğlu belə cavab verib: “Hörmətli prezidentlə çoxdan tanışıq. Məni təbrik etdi. Bölgəmizdə hamıya salam göndərdi. Mən də bir neçə mahnı oxudum. Bundan sonra diqqəti kitabımın çapına yönəldəcəyəm. Kitab çıxanda yenə danışarıq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
