Azərbaycanda gücləndirilmiş elektron imza vəsiqələrinin sayı 10 000 ədədi keçib

Azərbaycanda gücləndirilmiş elektron imza vəsiqələrinin sayı 10 000 ədədi keçib
# 16 mart 2013 10:12 (UTC +04:00)

Bakı. Könül Kamilqızı-APA. Rabitə və İnformasiya Texnologiyaları Nazirliyinin (RİTN) Məlumat Hesablama Mərkəzi (MHM) tərəfindən təqdim olunmuş gücləndirilmiş elektron imza vəsiqələrinin sayı 10 000 ədədi keçib. Nazirliyin mətbuat xidmətindən APA-ya verilən xəbərə görə, MHM tərəfindən 15.03.2013 tarixinə 10 000 elektron imza vəsiqəsi verilib. Belə ki, həmin tarixə dövlət qurumlarına verilmiş sertifikatların sayı 7082, hüquqi şəxslərə verilmiş sertifikatların sayı 221, vətəndaşlara verilmiş sertifikatların sayı isə 2761 olub. Artıq martın 15-dək 7000 vətəndaş sadələşdirilmiş kod-parol əldə edib. Dövlət qurumlarından elektron imza vəsiqələrinə artan tələbat nəzərə alınaraq, 3 illik elektron imza sertifikatlarının qiyməti 135 AZN-dən 80 AZN-ə salınıb.

Qeyd edək ki, vətəndaşlar üçün “Elektron hökumət” portalına daxilolma proseduraları daha da sadələşdirilib. Artıq kod-parol və e-imzanı elektron şəkildə əldə etməklə yanaşı, vətəndaşlar kod-parol zərflərini poçt şöbələrindən də əldə edə bilərlər. Poçt şöbələrindən pin zərfləri əldə etmək üçün çox sadə bir identifikasiya prosedurası tələb olunur.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR