Bakı avtovağzalı Nəqliyyat, Rabitə və Yüksək Texnologiyalar Nazirliyinin balansına qaytarılıb - YENİLƏNİB

Bakı avtovağzalı Nəqliyyat, Rabitə və Yüksək Texnologiyalar Nazirliyinin balansına qaytarılıb - <span style="color: red;">YENİLƏNİB
# 11 may 2017 10:07 (UTC +04:00)

Nəqliyyat, Rabitə və Yüksək Texnologiyalar Nazirliyi Bakı Beynəlxalq Avtovağzal Kompleksinə nəzarətin adıçəkilən quruma verilməsini təsdiqləyib.

Qurumdan "APA-Economics"ə təqdim olunan açıqlamada deyilir: "Bildiyimiz kimi, Nəqliyyat, Rabitə və Yüksək Texnologiyalar Nazirliyi nəqliyyat sahəsində dövlət siyasətini həyata keçirən tənzimləyici mərkəzi icra hakimiyyəti orqanıdır. Bakı Beynəlxalq Avtovağzal Kompleksi də ölkənin nəqliyyat sektorunda vacib strukturlardan biridir. Təbii ki, həmin struktur nazirliyin diqqət mərkəzində olmaldır".

*** SAAT 10:49

Bir müddət öncə Azərbaycan Respublikası prezidentinin İşlər İdarəsinin balansına verilən Bakı Beynəlxalq Avtovağzal Kompleksi yenidən Nəqliyyat, Rabitə və Yüksək Texnologiyalar Nazirliyinin balansına verilib. Bu barədə "APA-Economics"ə kompleksdəki mənbə bildirib.

"Bir müddət öncə kompleks ölkə başçısının İşlər İdarəsinin balansına verilmişdi. Bu gündən etibarən isə kompleks Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərəcək", - deyə mənbə qeyd edib.

Faktı nazirlikdəki mənbə də təsdiqləyib: "Kompleksin əvvəlki rəhbərliyi də yenidən öz iş yerinə qaytarılıb".

Qeyd edək ki, fevralın 13-də ölkə başçısının imzaladığı sərəncama əsasən Nəqliyyat və Rabitə və Yüksək Texnologiyalar Nazirliyi birləşdirilərək Nəqliyyat, Rabitə və Yüksək Texnologiyalar Nazirliyi yaradılıb. Sərəncama əsasən kompleks yeni yaradılan nazirliyin nəzdində fəaliyyətini davam etdirir.

#
#

ƏMƏLİYYAT İCRA OLUNUR