İnfrastruktur

Ana səhifə

İnfrastruktur

«Azərbaycan Hava Yolları» şirkəti Bakı-Antalya aviareysini iyundan bərpa edir

21 aprel 2010 10:54 (UTC +04:00)

Bakı. Nicat Mustafayev – APA-Economics. Bu ilin iyun ayından etibarən «Azərbaycan Hava Yolları» QSC (AZAL) yenidən Bakı-Antalya marşrutu üzrə çarter sərnişin aviareyslərini yerinə yetirməyə başlayacaq.

AZAL-dan «APA-Economics»ə verilən məlumata görə, sözügedən martşrut üzrə uçuşlara iyunun 12-dən etibarən başlanacaq ki, iyunun 19-dək Bakı-Antialya aviareysi həftənin II, IV və VI günləri saat 11:10-da, iyunun 21-dən 27-dək həftənin I, III, V və VII günləri, iyunun 29-dan sentyabrın 6-dək həftənin altı günü (bazar günündən başqa), sentyabrın 8-dən 12-dək həfətənin III, V və VII günləri, sentyabrın 12-dən 16-dək isə həftənin II və IV günləri yerinə yetiriləcək.

«Bakı-Antalya-Bakı marşrutu üzrə bir aviabiletin qiyməti 334 manat təşkil edir. Uçuşlar «Airbus-319» avialayneri ilə yerinə yetiriləcək», - deyə aviaşirkətdən bildirilib.

Qeyd edək ki, yay tətili mövsümü ilə əlaqədar həmçinin, iyunun 12-dən etibarən Bakı-Krit adası (Yunanıstan) çarter sərnişin aviareysi də (AZAL) açılacaq.