İnfrastruktur

Ana səhifə

İnfrastruktur

Bakıda köhnə mənzillərin ucuzlaşması davam edir

20 may 2011 13:37 (UTC +04:00)

Bakı. Əli Əhmədov – APA-Economics. Bu ilin aprel ayında Bakı şəhərinin təkrar mənzil bazarında təklif həcmi mart ayı ilə müqayisədə 1,1% artıb, orta qiymət isə 0,7% azalıb. «APA-Economics»in məlumatına görə, bunu «Əmlak Bazarı İştirakçıları» İctimai Birliyinin apardığı monitorinqlər göstərib.

Qiymət azalmasına mənzillərin reablitasiya imkanları və nağd satışların məhdudlaşması səbəb olub. Orta qiymət 0,7% azalaraq ötən əvvəlki qeydə alınan 1007 dollar/kv.m-dən 1000 dollar/kv.m-ə enib.

Apreldə yalnız Qaradag rayonunda (0,7%) qiymət artımı qeydə alınıb.

Ay ərzində aktivlik əmsalına görə ən cəlbedici əvvəlki ayda olduğu kimi Xətai və Yasamal rayonları olub. Bu rayonların ən vacib cəhəti şəhərə yaxınlığı və qiymətlərin münasibliyidir.

Yasamal, Nəsimi, Nərimanov və Xətai rayonlarının təklif portfelindəki payı ötən aylarda olduğu kimi mütləq çoxluq təşkil edib və onların ümumi payı 79,4%-ə bərabər olub.

Apreldə otaqlar üzrə vəziyyət martdakı kimi qalıb - 3, 4 və 5 otaqlı mənzillərin sayında azalma qeydə alınıb. Təklif üzrə ən çox azalma 4 və 5 otaqlılar üzrə qeydə alınıb, 1 və 2 otaqlı mənzillərin təklif üzrə payında isə artım müşahidə olunub. Ən çox artım 2 otaqlı mənzillərdə qeydə alınaraq 1,3%-ə çatıb.