İnternet xidməti göstərən operatorlar və provayderlər yenidən uçota durmalıdır

internet xidmeti gosteren operatorlar ve provayderler yeniden ucota durmalidir

Nazirlər Kabineti “İnternet telekommunikasiya xidməti göstərən operatorların və provayderlərin uçotunun aparılması qaydası”nı təsdiq edib.

 

APA-nın məlumatına görə, bu qayda Azərbaycanda internet telekommunikasiya xidməti göstərən operatorların və provayderlərin uçota alınması, uçot məlumatlarında dəyişikliklərin edilməsi və uçotunun ləğvi qaydasını müəyyən edir.

 

İnternet telekommunikasiya xidməti göstərən provayder dedikdə internet provayder və host provayder nəzərdə tutulur.  Operatorların və provayderlərin uçotu operatorların və provayderlərin və ya onların səlahiyyətli nümayəndələrinin müraciəti əsasında Nəqliyyat, Rabitə və Yüksək Texnologiyalar Nazirliyi tərəfindən bu qayda əsasında aparılır. Operatorların və provayderlərin uçota alınması, habelə uçot məlumatlarında dəyişiklik edilməsi ödənişsiz həyata keçirilir.

 

IPv4 - 4-cü versiya internet protokolu, IPv6 - 6-cı versiya internet protokolu, İP ünvan - internet şəbəkəsinə qoşulmuş hər bir kompüter və qurğulara verilən unikal şəbəkə ünvanı, Avtonom Sistem (AS) - vahid marşrutlama siyasətinə malik, bir və ya bir neçə şəbəkə operatoru tərəfindən idarə olunan İP ünvan və marşrutlayıcılar sistemidir. Operatorlar və provayderlər xidmət göstərməyə başladıqları vaxtdan 15 gün müddətində nazirlikdə uçota durmalıdırlar. Operatorlar və provayderlər uçota alınmaları üçün “Elektron hökumət” portalına daxil olaraq müvafiq autentifikasiya prosesini keçməklə, ada ərizəni elektron qaydada doldururlar. Ərizəyə vergi ödəyicisi kimi uçota alınmasını təsdiq edən şəhadətnamənin surəti, habelə olduğu halda hüquqi şəxsin nizamnaməsinin (və ya əsasnaməsinin) surəti, “Əməliyyat-axtarış tədbirlərinin həyata keçirilməsində əməliyyat-axtarış subyektlərinin səlahiyyət bölgüsü haqqında” Azərbaycan prezidentinin 2001-ci il 19 iyun tarixli fərmanına əsasən müəyyənləşdirilmiş və təqdim olunmuş texniki-təşkilati şərtlər və bu şərtlərə uyğun olaraq ümumi rabitə şəbəkələri daxilində yaradılan və istismar edilən bütün növ telekommunikasiya şəbəkələrindən (idarə və müəssisələrə məxsus olan və ümumi rabitə şəbəkəsinə çıxışı olmayan şəbəkələr istisna olmaqla) informasiya əldə edilməsini təmin edən xüsusi təyinatlı avadanlıqlarla təchizat barədə zəmanətin surəti, xidmət göstərməyə başladığı ilk abunəçi (abunəçilər) ilə bağlanılmış müqavilənin (müqavilələrin) təsdiq olunmuş surəti (surətləri) (bu Qayda qüvvəyə mindiyi tarixədək internet telekommunikasiya xidməti göstərməyə başlamış operatorlar və provayderlər istisna olmaqla) əlavə olunur.Nazirlikdə uçota alınması üçün təqdim olunan sənədlərə onların qeydiyyat tarixindən etibarən 7 iş günü müddətində baxılır.

 

 Operatorun və provayderin uçota alınmasından uçota alınma üçün təqdim edilmiş ərizə tam şəkildə doldurulmadıqda və ya ərizəyə qeyri-dürüst, yaxud təhrif olunmuş məlumatların daxil edildiyi müəyyən olunduqda, təqdim edilmiş sənədlərdə çatışmazlıqlar aşkar edildikdə və göstərilən xidmətlərin texniki-təşkilati imkanları “Telekommunikasiya haqqında” qanununa uyğun olmadıqda imtina edilir. Operator və provayder uçota alınmadan imtina üçün əsas olmuş halları aradan qaldıraraq, 15 gün müddətində yenidən müraciət etməlidir. Operatorların və provayderlərin uçotu eyniadlı informasiya sistemi vasitəsilə aparılır.

 

Uçota alınmış operatorların və provayderlərin fəaliyyətlərinin dayandırılması barədə onlar və ya səlahiyyətli nümayəndələri fəaliyyətlərinin dayandırıldığı gündən 10 gün müddətində nazirliyə məlumat verirlər.

 

Uçot aşağıdakı hallarda ləğv olunur:

 

- Uçota alınmış operator və ya provayder tərəfindən müvafiq ərizə təqdim edildikdə;

 

- Uçota alınma üçün təqdim edilmiş sənədlərdə sonralar düzgün olmayan məlumatlar aşkar edildikdə;

 

- Vergi ödəyicisi olan fiziki şəxs vergi uçotundan çıxarıldıqda;

 

- Məhkəmənin müvafiq qərarı olduqda;

 

- Hüquqi şəxs ləğv edildikdə.

 

Bu qayda qüvvəyə mindiyi tarixədək internet telekommunikasiya xidməti göstərməyə başlamış operatorlar və provayderlər qaydanın qüvvəyə mindiyi tarixdən sonrakı 2 ay ərzində nazirliyə müraciət edərək, bu qaydaya uyğun olaraq uçota durmalıdırlar.

BÖLMƏDƏN DİGƏR XƏBƏRLƏR

XƏBƏR LENTİ

03:43 19 Noyabr
10:10 18 Noyabr
07:54 18 Noyabr
TOP 5

VİDEO XƏBƏRLƏR

FOTO XƏBƏRLƏR

  • rusiyaya made in azerbaijan brendi ile mehsullar ixrac olunacaq
    Rusiyaya “Made in Azerbaijan” brendi ilə məhsullar ixrac olu...
  • imislide agir qezada olen ve yaralananlarin sexsiyyeti melum olub yenilenib fotosessiya
    İmişlidə ağır qəzada ölən və yaralananların şəxsiyyəti məlum...
imislide agir qezada olen ve yaralananlarin sexsiyyeti melum olub yenilenib fotosessiya imislide agir qezada olen ve yaralananlarin sexsiyyeti melum olub yenilenib fotosessiya +2
MƏZƏNNƏ
FOREX
/ 19 Noyabr, 2017

USD
1.7002
 
EUR
2.007
 
RR
0.0285