"Bax, istifadə et, yarat" mobil tətbiqlər müsabiqəsinin qalibləri mükafatlandırılıb

bax istifade et yarat mobil tetbiqler musabiqesinin qalibleri mukafatlandirilib

"Bakutel-2017" beynəlxalq telekommunikasiya və informasiya texnologiyaları sərgisi çərçivəsində Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin 13 noyabr tarixində Açıq Hökumət Məlumatlarından istifadə etməklə "Bax, istifadə et, yarat!" adlı mobil tətbiqlərin hazırlanması müsabiqəsininin qalibləri mükafatlandırılıb.


"APA-Economics" xəbər verir ki, müsabiqənin məqsədini "Açıq Hökumət Məlumatları" (data.gov.az) portalındakı məlumatlar əsasında yeni mobil tətbiqlərin hazırlanması, Açıq Hökumət Məlumatlarından rahat istifadə, sosial yönümlü və innovativ ideyaların dəstəklənməsi və startap layihələrinin təşviq edilməsi olub.


Müsabiqəyə 11 qrup və 8 nəfər fərdi olaraq hazırladıqları maraqlı mobil tətbiqlərlə qatılıblar. Nəqliyyat, Rabitə və Yüksək Texnologiyalar Nazirliyi Məlumat Hesablama Mərkəzinin və "Yüksək Texnologiyalar Parkı" MMC-nin, "Best Comp Group", "Microsoft" şirkətlərinin mütəxəssislərindən ibarət münsiflər heyəti iştirakçıların müsabiqəyə təqdim etdiyi mobil tətbiqləri qiymətləndiriblər. Müsabiqə iştirakçıları tərəfindən təqdim olunan mobil tətbiqlər sosial əhəmiyyət, funksionallıq, tamlıq, dizayn və məzmun baxımından dəyərləndirilib.

 

Qeyd edək ki, mobil tətbiqlərin hazırlanmasında daha çox Dövlət Statistika Komitəsi, Nəqliyyat, Rabitə və Yüksək Texnologiyalar, Kənd Təsərrüfatı, Mədəniyyət və Turizm nazirliklərinin Açıq Hökumət Məlumatlarından istifadə edilib.

 

Münsiflər heyətinin qərarı ilə “Plus Group” komandası – I yer, “The Dev Squad” komandası – II yer, “No Name” komandası – III yerə layiq görülüblər. Məlumat Hesablama Mərkəzi tərəfindən birinci yerin sahibinə 2000 AZN, ikinci yerin sahibinə 1500 AZN, üçüncü yerin sahibinə isə 1000 AZN pul mükafatı, kuboklar və  diplomlar təqdim edilib. Bütün iştirakçılara isə elektron imza sertifikatı hədiyyə olunub.

 

Müsabiqədə iştirak edən bütün tələbələr isə “Microsoft BizSpark” layihəsi çərçivəsində “Microsoft”un masaüstü proqramlarını, server həllərini və bulud imkanlarını əldə ediblər. Yüksək Texnologiyalar Parkı isə 2 layihənin müəllifləri - I və II yer sahiblərinə - 6 ay ərzində inkubasiya mərkəzində ödənişsiz ofisdən istifadə imkanı yaradıb.

 

Tədbirdə iştirak edən qonaqlar ölkəmizdə Açıq məlumatlar sənayesinin inkişaf mərhələsinə başladığını, son illər gənclərin bu sahəyə marağının daha da artdığını və bu kimi müsabiqə və layihələrin gəncləri daha da həvəsləndirdiyini vurğulayıblar. Sonda qaliblərlə birlikdə xatirə şəkilləri çəkilib.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • bakida ressam leyla sahbazovanin ferdi sergisi acilib
    Bakıda rəssam Leyla Şahbazovanın fərdi sərgisi açılıb...
  • bineqedide avtomobil temiri sexinde yangin olub
    Binəqədidə avtomobil təmiri sexində yanğın olub
bineqedide avtomobil temiri sexinde yangin olub bineqedide avtomobil temiri sexinde yangin olub +2
MƏZƏNNƏ
FOREX
/ 16 Dekabr, 2017

USD
1.7001
 
EUR
2.0032
 
RR
0.0289