İran bərə terminalının tikintisi zamanı Azərbaycanın təcrübəsindən istifadə edəcək

İran Əmirabad Limanında bərə terminalının tikintisi zamanı Azərbaycanın  təcrübəsindən istifadə edəcək.

 

Azərbaycan Xəzər Dəniz Gəmiçiliyindən “APA-Economics”ə verilən məlumata görə, bu məqsədlə Əmirabad limanının əməkdaşları və podratçı şirkətlərin nümayəndələri Bakı Beynəlxalq Dəniz Ticarət Limanında olublar. Azərbaycan dənizçiləri ilə geniş fikir mübadiləsi aparan qonaqlara bərə terminalının iş prinsipi və texniki xüsusiyyətləri barədə ətraflı məlumat verilib, onların bərə tipli gəmilərin idarə olunması ilə bağlı sualları cavablandırılıb. Həmçinin,  bərələrin körpüyə yan alması, dəmiryolu qatarlarının bərəyə daxil olması və xaric edilməsi prosesləri qonaqlara əyani şəkildə nümayiş etdirilib.

 

Əmirabad limanının texniki və mühəndis məsələləri üzrə direktor müavini Kamal Abdullahi bildirib ki, Xəzəryanı ölkələr arasında Azərbaycanın dənizçilik təcrübəsi onlar üçün hər zaman maraqlı olub.  Məhz, bu səbəbdən Əmirabadda bərə terminalının tikintisi zamanı Azərbaycanın təcrübəsinin öyrənilməsinə üstünlük verilib.

 

Əmirabad bərə terminalının beş ay ərzində tikilməsini qarşılarına məqsəd qoyduqlarını deyən Kamal Abdullahi bu istiqamətdə əməkdaşlığın davam etdiriləcəyini vurğulayıb.

 

Xatırladaq ki, Xəzərdə yeganə bərə operatoru olan Gəmiçiliyin  donanmasında hazırda 13 tip bərə,  2 tip Ro-Ro gəmisi var. Yaxın günlərdə  isə yeni nəsil Ro-Pax tipli gəmilərin Bakı Gəmiqayırma Zavodunda metal kəsimi baş tutacaq.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • gurcustanda yanginla bagli xususi qerargah yaradilib
    Gürcüstanda yanğınla bağlı xüsusi qərargah yaradılıb...
  • barselona terrorunun esas subhelisi tutulub
    Barselona terrorunun əsas şübhəlisi tutulub
barselona terrorunun esas subhelisi tutulub barselona terrorunun esas subhelisi tutulub +2
MƏZƏNNƏ
FOREX
/ 22 Avqust, 2017

USD
1.7008
 
EUR
1.9988
 
RR
0.0288
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ