Metronun “Avtovağzal” stansiyasının ətrafında yeni yol hissəsi salınıb

Bakı şəhərində “Azəravtoyol” Açıq Səhmdar Cəmiyyəti avtonəqliyyat vasitələrinin, ictimai nəqliyyatın və piyadaların rahat gediş- gəlişini təmin etmək məqsədilə kompleks tədbirlər həyata keçirməkdə davam edir. ASC-dən “APA-Economics”ə verilən xəbərə görə, bu tədbirlər sırasında  metronun “Avtovağzal” stansiyasının  digər giriş-çıxış hissəsinə rahat gediş-gəlişi təmin etmək üçün Bakı Beynəlxalq Avtovağzal Kompleksinin qarşısındakı yaşıllıq sahəsindən istifadə etməklə yeni yol hissəsinin salınması da yer alır.

 

Yeni yol hissənin salınması metronun “Avtovağzal” stansiyasının üst hissəsində yerləşən meydançadan piyadaların, avtonəqliyyat vasitələrinin və ictimai nəqliyyatın rahat hərəkətinə imkan yaradacaq. Yeni yol hissəsinin ümumi uzunluğu 44, eni isə 20 metr təşkil edir.

 

Görülən işlər çərçivəsində piyadaların təhlükəsiz hərəkəti nəzərə alınaraq uzunluğu 33, eni 3 metr olan piyada səkisi də tikilib. Buna paralel olaraq piyadaların təhlükəsizliyi məqsədilə  piyada keçidi də salınıb.

 

Qeyd edək ki, görülən işlər “Azəravtoyol” Açıq Səhmdar Cəmiyyəti  tərəfindən tərtib olunmuş qrafikə uyğun və texnoloji ardıcıllığa riayət olunmaqla aparılıb.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • qonsu evlerin tikintisinde iki paralel ve qapali divardan istifade edilmesine icaze verilecek
    Qonşu evlərin tikintisində iki paralel və qapalı divardan is...
  • 174 bakida alma store un sayca ikinci magazasinin acilisi olub
    ® Bakıda “Alma Store”un sayca ikinci mağazasının açılış...
174 bakida alma store un sayca ikinci magazasinin acilisi olub 174 bakida alma store un sayca ikinci magazasinin acilisi olub +2
MƏZƏNNƏ
FOREX
/ 22 Oktyabr, 2017

USD
1.7001
 
EUR
2.0087
 
RR
0.0296