"AtaBank" "Synergy Group"un nəzarətinə keçib, İdarə Heyəti üzvlərinin sayı 7-yə çatacaq

atabank synergy group un nezaretine kecib idare heyeti uzvlerinin sayi 7 ye catacaq

"CDB Bank" ASC ilə birləşərək yenidən təşkil olunan "AtaBank" ASC-nin səhmdarı "Synergy Group" MMC olub. "APA-Economics" xəbər verir ki, bunu bu gün keçirilən mətbuat konfransında "Synergy Group" MMC-nin icraçı direktoru İsmayıl Süleymanov deyib.

 

"Yenidən təşkil olunan "AtaBank"ın səhmdarı "Synergy Group"dur. Bununla bağlı aprel ayında bankın alqı-satqı olub", - deyə İ. Süleymanov bildirib.

 

"AtaBank"ın İdarə Heyətinin sədri vəzifəsini müvəqqəti icra edən Dəyanət Quliyev isə bildirib ki, "CDB Bank"ın İdarə Heyətinin üzvləri "AtaBank"a transfer olunacaq. O əlavə edib ki, İdarə Heyətinin üzvlərinin sayı 7-yə çatdırılacaq.

 

Bunadək "AtaBank"ın səhmdarları "AtaHolding" ASC (76%) və fiziki şəxslər (24%) idi.

 

Bankın İdarə Heyəti isə 4 nəfərdən ibarətdir: Dəyanət Quliyev (sədr), Etibar Babaşlı (müavini), Səbuhi Əliyev (müavin) və Rauf Hüseynov (müavin).

 

Qeyd edək ki, aprelin 18-də "AtaBank" və "CDB Bank" səhmdarlarının ümumi yığıncaqlarının qərarlarına əsasən "CDB Bank" ASC-nin yenidən təşkil şəklində ləğv edilərək "AtaBank" ASC-yə qoşulması ilə əlaqədar Müşahidə Şurasının sədri vəzifəsinin müvəqqəti icrası Fərəh Məmmədovaya, İdarə heyətinin sədri vəzifəsi isə Dəyanət Quliyevə həvalə edilib.

 

Həmin bankların yenidən təşkili ilə əlaqədar aktivlərin qiymətləndirilməsinin aparılmasına dair  "PwC" beynəlxalq konsaltinq şirkəti ilə ilkin razılaşma əldə edilib.

 

Həmçinin, "AtaBank" və "CDB Bank" tərəfindən yenidən təşkil faktı dövlət qeydiyyatına alınana qədər, bütün kontragentlərlə bağlanılmış mülki-hüquqi müqavilələr üzrə öhdəliklərin icrası hər bir bank tərəfindən ayrı-ayrılıqda davam etdiriləcək.

BÖLMƏDƏN DİGƏR XƏBƏRLƏR

XƏBƏR LENTİ

10:12 19 Avqust
TOP 5

VİDEO XƏBƏRLƏR

FOTO XƏBƏRLƏR

  • agdamda avtomobil piyadani vurub
    Ağdamda avtomobil piyadanı vurub
  • prezident ilham eliyev semkir aqroparki nin logistika merkezini ise salib
    Prezident İlham Əliyev “Şəmkir Aqroparkı”nın Logistika Mərkə...
prezident ilham eliyev semkir aqroparki nin logistika merkezini ise salib prezident ilham eliyev semkir aqroparki nin logistika merkezini ise salib +2
MƏZƏNNƏ
FOREX
/ 21 Avqust, 2017

USD
1.7008
 
EUR
1.9963
 
RR
0.0287
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ