“Caspian Energy” pay iştirakını satışa çıxarır

caspian energy pay istirakini satisa cixarir

“Caspian Energy” öz fəaliyyətini təzədən quran və yeniləyən xarici ofislərdə pay iştirakını satışa çıxarır.

 

APA-Economics”in məlumatına görə, “Caspian Energy” jurnalını fəaliyyət göstərdikləri dövlətlərin dilində dərc etmək, həmçinin həmin ölkələrdə “Caspian European Club” və “Caspian American Club”un mənafeyini təmsil etmək niyyətində olan nəhəng şirkət və təşkilat nümayəndələrinin çoxsaylı müraciətlərini nəzərə alaraq, “Caspian Energy” rəhbərliyi dünyanın 50-dən çox ölkəsində fəaliyyətini təzədən quran və yeniləyən xarici ofislərdə pay iştirakını satmaq barədə qərar qəbul edib. Satış 3 mərhələdə həyata keçiriləcək.

 

Birinci mərhələdə Rusiya, Qazaxıstan, Türkmənistan və İrandakı “Caspian Energy” layihəsində pay iştirakının 80%-ii, həmçinin Ukrayna və Türkiyədəki layihələrdə pay iştirakının 50%-i satışa çıxarılacaq. İkinci mərhələdə Avropa İttifaqı ölkələrində həyata keçirilən layihələrdə pay iştirakının satışı təşkil olunacaq. Üçüncü mərhələdə isə Yaxın Şərq, Mərkəzi Asiya, Şimali və Cənubi Amerika dövlətlərindəki layihələrdə pay iştirakının satışı reallaşdırılacaq”, deyə “Caspian European Club” və “Caspian American Club”un sədrinin birinci müavini və baş icraçı direktoru Telman Əliyev bildirib.

 

Onun sözlərinə görə, xarici şirkətlərin ortaq sahibləri müvafiq ölkələrdə və eləcə də onların hüdudlarından kənardakı gələcək fəaliyyətlərinə müsbət təsir göstərəcək böyük imkanlar və imtiyazlar əldə edəcəklər. Xarici ofislər müstəqil fəaliyyət göstərəcək, məzmunu əsas nəşrdən fərqlənə bilən “Caspian Energy” jurnalı dərc etmək imkanı əldə edəcək, həmçinin “Caspian European Club”, “Caspian American Club” və “Caspian Energy”nin himayəsi altında tədbirlər, o cümlədən aylıq biznes-forumlar, dəyirmi masalar, treninqlər, seminarlar və CEO-lunch, illik “Caspian Energy Forum” və “Caspian American Forum”, habelə beynəlxalq mükafatların təqdimetmə mərasimlərini təşkil etmək hüququ qazanacaq və  öz məlumatlarını caspianenergy.media, caspianenergy.news, caspianenergy.info, caspianenergy.photo, caspianenergy.tv və s. çoxsaylı internet layihələrində yaya biləcəklər”. Bununla yanaşı, o qeyd edib ki, “Caspian European Club” və “Caspian American Club”un idarə heyətinin tərkibi müvafiq ölkələrdə iqtisadiyyatın müxtəlif sahələrini təmsil edən şirkət rəhbərlərindən təşkil olunacaq.

 

T. Əliyev malik olduqları imtiyazlara baxmayaraq, xarici ofislərin lisenziya sazişində əks olunmuş müəyyən standartlara əməl etməli olduqlarını vurğulayıb.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • xizida 26 gun erzinde 8 064 eded partlamamis herbi sursat askarlanib
    Xızıda 26 gün ərzində 8 064 ədəd partlamamış hərbi sursat aş...
  • bakida cexiyanin musteqillik gunu munasibetile resmi qebul kecirilib
    Bakıda Çexiyanın Müstəqillik Günü münasibətilə rəsmi qəbul k...
bakida cexiyanin musteqillik gunu munasibetile resmi qebul kecirilib bakida cexiyanin musteqillik gunu munasibetile resmi qebul kecirilib +2
MƏZƏNNƏ
FOREX
/ 22 Sentyabr, 2017

USD
1.7007
 
EUR
2.0209
 
RR
0.0292
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ