Sərbəst satış sertifikatı "Made in Azerbaijan" brendini təşviq edəcək

serbest satis sertifikati made in azerbaijan brendini tesviq edecek

“Azərbaycan Respublikasının diplomatik nümayəndəlikləri və konsulluqları vasitəsilə qeyri-rezidentlərə elektron imza sertifikatının verilməsi Qaydası”nın və “www.azexport.az” internet portalı haqqında Əsasnamə”nin təsdiq edilməsi barədə prezident İlham Əliyevin fərmanında göstərilib ki, Azərbaycanda sərbəst satış sertifikatı veriləcək.

 

İqtisadi İslahatların Təhlili və Kommunikasiya Mərkəzinin PR meneceri Zənurə Talıbova “APA-Economics”ə bildirib ki, sərbəst satış sertifikatı ixracatçıların müraciəti əsasında yalnız Azərbaycanda istehsal olunan mallara veriləcək: "İxracatçılar tərəfindən sərbəst satış sertifikatının əldə olunması könüllü xarakter daşıyacaq. Sərbəst satış sertifikatı ixrac olunan malın Azərbaycan Respublikasında sərbəst dövriyyədə olduğunu, aidiyyəti dövlət orqanları və qurumları tərəfindən sertifikatlaşdırıldığını və standartlara cavab verdiyini təsdiqləyən sənəddir."

 

Z.Talıbova deyib ki, “Azexport”un fəaliyyəti çərçivəsində müəyyən olunub ki,  Azərbaycan məhsullarının keyfiyyətinə əlavə olaraq, zəmanətin təmin edilməsi ilə bağlı mütəmadi olaraq xarici tərəfdaşlar tərəfindən dünyada geniş yayılmış sərbəst satış  “Free sales” sertifikatları tələb edilir: "Sertifikatın mahiyyəti ondan ibarətdir ki, ölkə daxilində məhsula əvvəlcədən müxtəlif qurumlar tərəfindən verilmiş sertifikatların (keyfiyyət, gigiyenik, uyğunluq və s.) qüvvədə olmasını və həmin məhsulun hal-hazırda ölkə daxilində sərbəst satışa bütün icazələrin olmasını təsdiq edir.  Sertifikatın verilməsi proseduru heç bir əlavə laboratoriya və ya testlərin keçirilməsi ilə müşahidə olunmur. Dünya təcrübəsində sərbəst satış sertifikatı malların hər bir partiyasına verilir. Məhsul xarici ölkələrə göndərilirsə sertifikat dövlət və ingilis dillərində verilir".

 

Qeyd edək ki, MDB ölkələri arasında bu cür sertifikatları hazırda yalnız Ukrayna və Rusiya təklif edir. Ukraynada sertifikatların verilməsini Sənaye və Ticarət Palatası, Rusiyada İxraca Dəstək Mərkəzi həyata keçirir. Türkiyədə sertifikatın verilməsi məhsullara görə fərqlənir və əsasən Gömrük və Ticarət Nazirliyinin akkreditə etdiyi müxtəlif konsaltinq şirkətləri tərəfindən təqdim edilir. Z.Talıbovanın sözlərinə görə sertifikatın verilməsi üçün dünya təcrübəsində aşağıdakı sənədlər tələb edilir:

•        Şirkətin qeydiyyat şəhadətnaməsi;   

•        Sərbəst satış sertifikatı tələb olunan malların siyahısı;

•        Keyfiyyət sertifikatı;

•        Malların uyğunluq sertifikatı; (Qanunla nəzərdə tutulduğu halda)

•        malların istehsalı üçün lisenziya; Beynəlxalq eyniləşdirmə nömrəsi - barkod (əgər varsa);

•        Ölkə ərazisində malların satışının təsdiqi (2-3 müştəriyə, faktura, çek və ya vergi hesab-faktura).

 

İİTKM rəsmisi vurğulayıb ki, sərbəst satış sertifikatının verilməsi "Made in Azerbaijan" brendinin təşviqi və qeyri-neft ixracının artımı üçün əlavə təkan olacaq.  Sərbəst satış sertifikatını İqtisadi İslahatların Təhlili və Kommunikasiya Mərkəzi təqdim edəcək.

 

 

Xatırladaq ki, İqtisadi İslahatların Təhlili və Kommunikasiya Mərkəzinin fəaliyyətinin məqsədləri ölkənin dayanıqlı iqtisadi inkişafının təmin edilməsi istiqamətində makro və mikroiqtisadi səviyyədə təhlil və tədqiqatlar aparmaqla, analitik məlumatlar əsasında iqtisadi islahatların həyata keçirilməsi üçün təkliflər, habelə orta və uzun müddətli dövr üçün proqnozlar hazırlamaqdan, dövlət orqanlarını və qurumlarını həmin proqnozlarla təmin etməkdən, həmçinin iqtisadiyyatın müxtəlif sahələrində Azərbaycanın nailiyyətlərinin təbliğini təşkil etməkdən ibarətdir.

BÖLMƏDƏN DİGƏR XƏBƏRLƏR

XƏBƏR LENTİ

03:43 19 Noyabr
10:10 18 Noyabr
07:54 18 Noyabr
TOP 5

VİDEO XƏBƏRLƏR

FOTO XƏBƏRLƏR

  • qaxda cetin kecilen dagliq erazide yangin sondurulub yenilenib
    Qaxda çətin keçilən dağlıq ərazidə yanğın söndürülüb - YENİL...
  • rusiyaya made in azerbaijan brendi ile mehsullar ixrac olunacaq
    Rusiyaya “Made in Azerbaijan” brendi ilə məhsullar ixrac olu...
rusiyaya made in azerbaijan brendi ile mehsullar ixrac olunacaq rusiyaya made in azerbaijan brendi ile mehsullar ixrac olunacaq +2
MƏZƏNNƏ
FOREX
/ 19 Noyabr, 2017

USD
1.7002
 
EUR
2.007
 
RR
0.0285