ARDNF "Cənub Qaz Dəhlizi"nin tam maliyyələşdirilməməsinin səbəbini açıqlayıb

ardnf cenub qaz dehlizi nin tam maliyyelesdirilmemesinin sebebini aciqlayib

2016-cı ildə "Cənub Qaz Dəhlizi" QSC-nin birbaşa dövlət mülkiyyətində olan hissəsinin maliyyələşdirilməsini təmin etmək məqsədilə Azərbaycan Dövlət Neft Fondu (ARDNF) tərəfindən 797,4 mln. manat və yaxud 495,2 mln. ABŞ dolları məbləğində vəsait İqtisadiyyat Nazirliyinin hesabına köçürülüb.


"APA-Economics" Nazirlər Kabinetinin 2016-cı ildə fəaliyyəti haqqında hesabata istinadən xəbər verir ki, bu maddə üzrə icra büdcədə nəzərdə tutulana nisbətən (2 mlrd. 355,3 mln. manat) 33,9% təşkil edib. "Layihə üzrə Fondun büdcəsində nəzərdə tutulan  vəsaitin tam icra olunmaması 2016-cı ilin mart ayında "Cənub Qaz Dəhlizi" QSC tərəfindən beynəlxalq maliyyə bazarlarında dövlət zəmanəti əsasında xarici valyutada denominasiya edilən beynəlxalq istiqrazların (avrobondlar) yerləşdirilməsindən diskont dəyərdə 991,1 mln. dollar məbləğinin cəlb edilməsi, "Şahdəniz" layihəsində 10% payın alınması üzrə qiymətin 2-ci tranşının ödənilməsinin 2017-ci ilə təxirə salınması və TANAP və TAP layihələri üzrə bəzi xərclərin növbəti illərə sürüşdürülməsi ilə izah olunur", - deyə hesabatda vurğulanıb.


Qeyd edək ki, 2014-2016-cı illər ərzində "Cənub Qaz Dəhlizi" layihələrində Azərbaycanın iştirak payının maliyyələşdirilməsinə ARDNF-in büdcəsi çərçivəsində ümumilikdə 1 mlrd. 232,1 mln. dollar və yaxud 1 mlrd. 530,3 mln. manat vəsait yönəldilib.

 

Xatırladaq ki, "Cənub Qaz Dəhlizi" layihələrində Azərbaycanın iştirak payının maliyyələşdirilməsi, "Cənubi Qaz Dəhlizi"nin yaradılmasına dair digər layihələrlə bağlı bəzi tədbirlər haqqında" Azərbaycan Respublikası Prezidentinin 25 fevral 2014-cü il tarixli sərəncamı ilə "Şahdəniz" qaz-kondensat yatağının istismarının ikinci mərhələsi, Cənubi Qafqaz Boru Kəmərinin genişləndirilməsi, Trans-Anadolu Boru Kəməri və Trans-Adriatik Boru Kəməri layihələrinin idarə edilməsini təmin etmək məqsədilə SOCAR tərəfindən nizamnamə kapitalı 100 mln. dollar məbləğində olan və səhmlərinin 51%-i dövlət mülkiyyətində, 49%-i SOCAR-a məxsus olan "Cənub Qaz Dəhlizi" QSC təsis edilib. Sərəncamın 2.1-ci bəndi ilə QSC-nin birbaşa dövlət mülkiyyətində olan səhmlərinin maliyyələşdirilməsi ARDNF-yə, dövlət mülkiyyətində olan səhmlərinin sahibliyi və idarə edilməsi İqtisadiyyat Nazirliyinə tapşırılıb.

BÖLMƏDƏN DİGƏR XƏBƏRLƏR

XƏBƏR LENTİ

00:02 23 Sentyabr
21:32 22 Sentyabr
TOP 5

VİDEO XƏBƏRLƏR

FOTO XƏBƏRLƏR

  • xizida bir gunde 616 eded partlamamis herbi sursat askarlanib
    Xızıda bir gündə 616 ədəd partlamamış hərbi sursat aşkarla...
  • goranboy sakini yaniq xesaretleri alib
    Goranboy sakini yanıq xəsarətləri alıb
goranboy sakini yaniq xesaretleri alib goranboy sakini yaniq xesaretleri alib +2
MƏZƏNNƏ
FOREX
/ 24 Sentyabr, 2017

USD
1.7008
 
EUR
2.0342
 
RR
0.0294
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ