IGB gələn ilin əvvəlində Azərbaycanla müqavilə imzalayacaq - RƏSMİ

igb gelen ilin evvelinde azerbaycanla muqavile imzalayacaq resmi

Interconnector Greece-Bulgaria (IGB) konsorsiumu 2018-ci ilin əvvəlində adıçəkilən boru kəməri ilə qaz nəql edəcək tərəflərlə, o cümlədən Azərbaycanla müqavilələr imzalamağı planlaşdırır. "APA-Economics" xəbər verir ki, bu barədə konsorsiumun yaydığı məlumatda deyilir.

 

"EWRC (Bolqarıstan) və RAE (Yunanıstan) kimi tənzimləyici qurumlar cari ilin oktyabr  ayının sonunadək boru kəmərinə üçüncü tərəflərin qoşulması ilə bağlı məsələni həll etməlidir. Ardınca 2018-ci ilin yanvarınadək Avropa İttifaqı tərəfindən müvafiq qərarın verilməsi gözlənilir ki, bunun əsasında qaz nəqlinə dair müqavilələr imzalanacaq", - deyə məlumatda vurğulanıb.
 

"Şahdəniz-2" layihəsi çərçivəsində hasil olunan qazın ildə 1 mlrd. kubmetrinin Bolqarıstana çatdırılmasını məhz IGB təmin edəcək. Bununla yanaşı, interkonnektor vasitəsilə SOCAR-a məxsus ildə 250 mln. kubmetr həcmində (5 il ərzində) qaz da nəql oluna bilər. Bunun üçün IGB-nin TAP layihəsinə qoşulması nəzərdə tutulub.
 

TAP layihəsi Avropa Birliyinin enerji təhlükəsizliyi və enerji mənbələrinin diversifikasiyasına görə strateji məqsədlərində əsas rolu oynayır. Təbii qazın Azərbaycandan Avropa bazarlarına ixracının ən qısa və birbaşa marşrutunu TAP təşkil edir. TAP layihəsi üzrə Albaniya, İtaliya və Yunanıstan arasında "Hökumətlərarası Saziş" 2013-cü ilin fevral ayında imzalanıb. Borunun uzunluğu 878 km təşkil edir. Onun fəaliyyətə başlama tarixi kimi 2020-ci ilin yanvar ayı göstərilir.

 

TAP-ın ilkin illik daşıma qabiliyyəti 10 mlrd. kubmetrdir (illik 20 mlrd. kubmetrədək artırıla bilər).

 

Layihə üzrə hazırkı pay bölgüsü: "Cənub Qaz Dəhlizi" QSC - 20%, BP - 20%, "Snam" - 20%, "Fluxys" - 19%, "Enagás" - 16%, "Axpo" - 5%.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • novxanida avtoq za olub xesaret alan var
    Novxanıda avtoqәza olub, xəsarət alan var
  • cocuq mercanli kendinde partlamamis herbi sursat askarlanib
    Cocuq Mərcanlı kəndində partlamamış hərbi sursat aşkarlanıb...
cocuq mercanli kendinde partlamamis herbi sursat askarlanib cocuq mercanli kendinde partlamamis herbi sursat askarlanib +2
MƏZƏNNƏ
FOREX
/ 22 Noyabr, 2017

USD
1.7002
 
EUR
1.9959
 
RR
0.0287