S&P: SOCAR Azərbaycan iqtisadiyyatı üçün kritik əhəmiyyətə malikdir

s p socar azerbaycan iqtisadiyyati ucun kritik ehemiyyete malikdir

"Standard & Poor`s" (S&P) beynəlxalq reytinq agentliyi SOCAR-ın "BB" səviyyəsində olan uzunmüddətli korporativ kredit reytinqini "CreditWatch Negative" siyahısına daxil edib.

 

"APA-Economics" təşkilatın yaydığı açıqlamaya istinadən xəbər verir ki, SOCAR-ın reytinqinin "CreditWatch Negative" siyahısına daxil olması bəzi qeyri-müəyyənliklərlə bağlıdır. Əsas qeyri-müəyyənlik SOCAR-ın maliyyə göstəricilərində 2016-cı ildə müşahidə olunan mənfi dinamikanın dövlət dəstəyi nəticəsində bu il əks istiqamətdə dəyişib-dəyişməyəcəyi ilə bağlıdır.

 

S&P SOCAR-ın maliyyə siyasətinin və dövlət şirkətinin rəhbərliyinin əsaslı xərclərə, likvidliyin idarə olunmasına və ticarət əməliyyatlarına yanaşmasının qeyri-müəyyən olduğunu bildirir.

 

Bununla yanaşı, agentliyin analitikləri SOCAR-ın reytinqinə müsbət təsir edən amilləri də açıqlayıb. Belə ki, agentlik hökumətin SOCAR-a verə biləcəyi dəstəyi "fövqəladə yüksək" səviyyədə qiymətləndirir. "Biz bir daha təsdiqləyirik ki, SOCAR neft-qazdan asılı olan ölkə iqtisadiyyatı üçün olduqca kritik rola malikdir. Buna baxmayaraq, biz hökumət tərəfindən SOCAR-ın konsolidasiya olunmuş maliyyə göstəricilərinə, əsaslı xərclərinə və risklərin idarə olunmasına necə nəzarət olunmasını nəzərdən keçirməliyik. Bundan başqa, bizə hökumət tərəfindən SOCAR-ın investisiya proqramına hansı formada dəstəyin verilməsi ilə bağlı detallı informasiya lazımdır", - deyə açıqlamada deyilir.

 

S&P həmçinin dövlət tərəfindən SOCAR-ın neft-qaz hasilatı ilə bağlı olmayan biznesinin (məsələn, Türkiyədə yerləşən kimya və neft emalı müəssisələrinin tikintisi və ticarət əməliyyatları) inkişafına veriləcək dəstəyin motivini də analiz edəcək.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • sergey lavrov munaqisenin helli ile bagli menyu masa uzerindedir
    Sergey Lavrov: “Münaqişənin həlli ilə bağlı menyu masa üzəri...
  • cenubi qafqaz boru kemerine bu il 657 mln dollar xerclenib
    Cənubi Qafqaz Boru Kəmərinə bu il 657 mln. dollar xərclənib...
cenubi qafqaz boru kemerine bu il 657 mln dollar xerclenib cenubi qafqaz boru kemerine bu il 657 mln dollar xerclenib +2
MƏZƏNNƏ
FOREX
/ 20 Noyabr, 2017

USD
1.7002
 
EUR
1.9941
 
RR
0.0287