Bakıda beynəlxalq nəqliyyat sərgisi başlayıb - FOTOSESSİYA - VİDEO

Bakı. Əli Əhmədov - APA-Economics. Bu gün «Baku Expo Center»də «Nəqliyyat, tranzit və logistika» (“TransCaspian-2012”) beynəlxalq sərgisi başlayıb.
«APA-Economics»in məlumatına görə, «Iteca Caspian» şirkətinin təşkilatçılığı ilə keçirilən sərgi iyunun 15-dək davam edəcək.

Sərginin açılış mərasimində çıxış edən Azərbaycanın nəqliyyat naziri Ziya Məmmədov bildirib ki, «TransCaspian» sərgisi Qafqazda ən əhəmiyyətli nəqliyyat forumu kimi fəaliyyət göstərir və regionda nəqliyyat sənayesi mütəxəssislərinin məhsuldar əməkdaşlığına kömək edir. Sərgi Nəqliyyat Nazirliyi tərəfindən dəstəklənir və TRASECA layihəsi ilə sıx əməkdaşlıq edir.

Bu il sərgi Türkiyə, Almaniya, İtaliya, Fransa, Çexiya və Latviya daxil olmaqla dünyanın 15 ölkəsindən 70 şirkəti bir yerə toplayıb. Xorvatiya sərgiyə ilk dəfə qatılır, Latviya milli stendi isə sərgidə ardıcıl olaraq ikinci ildir iştirak edir.

Sərgidə kommersiya şirkətləri ilə yanaşı, Azərbaycanın əsas dövlət nəqliyyat qurumları - Nəqliyyat Nazirliyi, «Azərbaycan Dəmir Yolları» QSC, Dövlət Dəniz Administrasiyası, Dövlət Xəzər Dəniz Gəmiçiliyi (DXDG) və s. təşkilatlar iştirak edir.

Sərgidə dəmir yolu nəqliyyatı, yüklərin avtomobil yolu və dənizlə daşınması və neftin nəqli kimi sektorlar geniş formatda təqdim olunur. Beynəlxalq limanların fəal iştirakı isə «TransCaspian-2012» sərgisinin fərqli xüsusiyyətlərindən biridir. Belə ki, sərginin ekspozisiyasına Qara dəniz, Xəzər dənizi və Baltik dənizi limanları daxildir ki, bunların da arasında Poti limanı, Batumi limanı, Liepaysk limanı, Ventspilsk azad limanı və Bakı Ticarət Limanı var. Yükdaşıma sektorunu Almaniya, Gürcüstan, Rusiya və Azərbaycandan olan şirkətlər təqdim edir.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • barselona terrorunun esas subhelisi tutulub
    Barselona terrorunun əsas şübhəlisi tutulub
  • xezerde batmaq tehlukesi ile uzlesen sexs sudan cixarilib
    Xəzərdə batmaq təhlükəsi ilə üzləşən şəxs sudan çıxarılıb...
xezerde batmaq tehlukesi ile uzlesen sexs sudan cixarilib xezerde batmaq tehlukesi ile uzlesen sexs sudan cixarilib +2
MƏZƏNNƏ
FOREX
/ 21 Avqust, 2017

USD
1.7008
 
EUR
1.9988
 
RR
0.0288
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ