Maliyyə

Ana səhifə

Maliyyə

Bakı Fond Birjasının dövriyyəsi yanvar-iyun aylarında 38% azalıb

02 iyul 2009 11:10 (UTC +04:00)

Bakı. Nicat Mustafayev – APA-Economics. Bakı Fond Birjasında (BFB) 2009-cu ilin yanvar-iyun ayları ərzində bütün alətlər üzrə aparılmış əməliyyatların ümumi həcmi 2 502,726 mln. manat təşkil edib. Bu da 2008-ci ilin eyni dövrünün analoji göstəricisindən 37,79% azdır.

BFB-dan «APA-Economics»ə verilən məlumata görə, hesabat dövründə ümumi əqdlərin 93,02%-i dövlət qiymətli kağızlarının (DQK) payına düşüb. Yanvar-iyun aylarında azalma əsasən DQK bazarına toxunub. Məhz notların ilkin və təkrar bazarında müvafiq olaraq 76,92% və 73,60% azalma qeydə alınıb. Hesabat dövründə həmçinin Repo əməliyyatları 36,77% azalıb və ümumilikdə DQK bazarında dövriyyə 40,86% düşüb.

Bundan başqa, hesabat dövründə korporativ istiqrazlar bazarı 2,01 dəfə, korporativ istiqrazların təkrar bazarı isə 3,8 dəfədən çox artıb.

Ən böyük artım səhmlərin təkrar bazarında qeydə alınıb. Belə ki, bu sektorda əməliyyatların həcmi 237 dəfə artıb. Səhmlərin və istiqrazların ilkin bazarlarının həcmi isə müvafiq olaraq 49,80% və 26,86% artıb.

Həmçinin, Birja fəallığının artımı DQİ-lərin ilkin və təkrar bazarında hiss olunur, hansı ki müvafiq olaraq 2,07 və 8,6 dəfə olub.

Bazarın seqmentləri	Yanvar-iyun, 2009		Yanvar-iyun, 2008		Nisbət (%)
Bazarın seqmentləri	Əməliyyatların həcmi, (AZN)	Əməliyyatların miqdarı	Əməliyyatların həcmi (AZN)	Əməliyyatların miqdarı	Nisbət (%)
DQİ (yerləşdirmə)	260 007 253,14	143	125 025 752,90	102	2,1 dəfə
DQİ (təkrar bazar)	139 423 136,70	74	16 194 394,92	24	8,6 dəfə
Notlar (yerləşdirmə)	217 871 863,12	131	944 027 512,34	368	23,08
Notlar (təkrar bazar)	65 785 072,32	37	249 148 298,00	188	26,40
Repo əməliyyatları	1 644 841 375,16	404	2 601 556 239,67	843	63,23
Cəmi DQK bazarı	2 327 928 700,44	789	3 935 952 197,83	1 525	59,15
Korporativ istiqrazlar (yerləşdirmə)	15 097 500,00	15	11 900 616,50	38	1,2 dəfə
Korporativ istiqrazlar (təkrar bazar)	29 790 733,40	18	7 810 726,77	57	3,8 dəfə
Səhmlər (yerləşdirmə)	100 461 844,60	392	67 065 800,20	291	1,5 dəfə
Səhmlər (təkrar bazar)	29 447 875,10	1,523	123 827,80	217	237,8 dəfə
Cəmi KQK bazarı	174 797 953,10	1 948	86 900 971,27	603	2 dəfə
Cəmi	2 502 726 653,54	2 737	4 022 853 169,10	2 128	62,21