Maliyyə

Ana səhifə

Maliyyə

Azərbaycanda mərkəzləşdirilmiş kreditlərin həcmi rekord səviyyəyə çatıb

30 iyul 2009 09:02 (UTC +04:00)

Bakı. Vahab Rzayev – APA-Economics. Azərbaycan Mərkəzi Bankı tərəfindən mərkəzləşdirilmiş kredit bazarı vasitəsilə kommersiya banklarına verilən kreditlərin (yenidənmaliyyələşdirmənin) həcmi 2009-cu ilin iyulun 1-nə 399,470 mln. manat təşkil edib ki, bu da ötən ilin müvafiq dövrü ilə müqayisədə 4 dəfə çoxdur. Mərkəzi Bankdan “APA-Economics”ə verilən məlumata görə, cari ilin əvvəlindən yenidənmaliyyələşdirmənin həcmi 170,47 mln. manat və ya 74,4% artıb.
Ümumilikdə bu göstəricinin hazırkı səviyyəsi Azərbaycan bank sisteminin tarixində rekord sayılır:

Qeyd edək ki, Mərkəzi Bankın kommersiya banklarına mərkəzləşdirilmiş kreditlərin həcminin tədricən və iri miqyasda olan artımı ötən ilin oktyabr-noyabrından başlayıb ki, bu da dünya maliyyə böhranı ilə birbaşa əlaqəlidir. Belə ki, böhran nəticəsində Azərbaycan bankları xaricdən maliyyə vəsaitlərinin cəlb edilməsini kəskin azaldıb ki, nəticədə yaranan likvidlik problemi və əlavə fondlaşma risklərini aradan qaldırılması üçün daxili mənbələrin zərurəti artıb. Bu halda Mərkəzi Bank uçot dərəcəsini aşağı salmaqla paralel yenidənmaliyyəşdirmənin həcmini kəskin artırmağa başlayıb.