Maliyyə

Ana səhifə

Maliyyə

«UniBank» SMS məlumatlandırılması sahəsində yeni xidmətlərin tətbiqinə başlayıb

04 avqust 2009 08:35 (UTC +04:00)

Bakı. Vüqar Mustafayev – APA-Economics. Azərbaycanın «UniBank» Səhmdar Kommersiya Bankı (SKB) müştərilərin SMS məlumatlandırılması sahəsində hesabların vəziyyəti, əmanətlər, kreditlər və plastik kartların balansları haqqında operativ məlumat əldə etmək imkanı verən yeni xidmətlərin tətbiqinə başlayıb.

«UniBank» SKB-nin baş ofisindən «APA-Economics»ə verilən məlumata görə, SMS məlumatlandırılma sisteminin yeni opsiyalarından istifadə etmək üçün bankın hər bir müştərisinin 8558 SMS nömrəsinə açar sözdən ibarət olan qısa məlumatı göndərməsi kifayətdir. Aşağıda göstərilmiş səkkiz açar sözü vasitəsilə «Azercell» mobil rabitə operatorunun nömrələrinin sahibləri hesablardakı qalıqlar və vəsaitlərin hərəkəti barədə, əmək haqqının ödənilməsi haqqında məlumat, kreditlər üzrə ödəniş tarixləri, depozit müddətlərinin başa çatması haqqında xəbərdarlıqlar, plastik kartların qüvvədə olma dövrü, Mərkəzi Bankın rəsmi valyuta məzənnələrini və digər zəruri məlumatı real vaxt rejimində əldə edə bilər.

Aparıcı sözlər	SMS məlumatlandırma sisteminin opsiyaları
BAL	Hesablardakı qalıqlar
MOVE	Gün ərzində hesablar üzrə hərəkət
RATE	Mərkəzi Bankın rəsmi valyuta məzənnələri
DEP	Depozitin bağlanması müddəti haqqında xatırlama
CRED	Kredit müqaviləsinin bağlanması və ssudaların və faizlərin ödənilməsi məbləği haqqında xatırlama
PAY	Ssudalar üzrə ödənişlərin, ödəniş qrafiki üzrə faizlər də daxil olmaqla, ödəniş müddəti, məbləği haqqında xatırlama
CARD	Plastik kartın qüvvədə olma müddətinin başa çatması haqqında məlumat
SMS	SMS-bankinq xidmətlərinə abunənin başa çatması haqqında xatırlama

* Aparıcı sözün daxil edilməsi zamanı hərflərin registrinin əhəmiyyəti yoxdur

SMS məlumatlandırma sahəsində müştərilərə təklif olunan əlavə funksiyalar istifadədə rahatdır və bank əməliyyatlarına məsafədən nəzarət etmək, kreditlərin ödənilməsində gecikmə halların qarşısını almaq imkanı verir, habelə pul vəsaitlərinin qorunması üzrə əlavə tədbirləri təmin edir. SMS məlumatlandırma sisteminə qoşulmaq üçün «UniBank»ın müştəriləri bankın filiallarına müraciət etməli və xidmətin aktivləşdirilməsi üçün müvafiq ərizəni doldurmalıdır.