Maliyyə

Ana səhifə

Maliyyə

Azərbaycan manatının real effektiv məzənnəsi iyunda ucuzlaşıb

10 avqust 2009 10:02 (UTC +04:00)

Bakı. Vahab Rzayev – APA-Economics. Azərbaycanın ticarət tərəfdaşı olan ölkələrin valyutalarına nəzərən ikitərəfli nominal məzənnələrin dəyişməsinin ticarət xüsusi çəkiləri nəzərə alınmaqla həndəsi ortasını əks etdirən manatın nominal effektiv məzənnəsi 2009-cu ilin yanvar-iyun aylarında ümumi ticarət dövriyyəsi üzrə 0,5%, idxal çəkili 1,7% bahalaşıb, ixrac çəkili isə 0,5% ucuzlaşıb.

«APA-Economics»in məlumatına görə, bu barədə Azərbaycan Mərkəzi Bankının «2009-cu ilin yanvar-iyun aylarının yekunu üzrə manatın ikitərəfli və effektiv məzənnə indekslərinin vəziyyəti barədə İcmal»ında deyilir. Sənədə əsasən, may ayına nisbətən isə müvafiq olaraq 2,3%, 2,3% və 2,2% ucuzlaşma qeydə alınıb.

Mərkəzi Bankın hesablamaları göstərir ki, 2009-cu ilin yanvar-iyun ayları ərzində qeyri-neft sektoru üzrə nominal effektiv məzənnə ümumi ticarət dövriyyəsi, idxal, həmçinin ixrac çəkili müvafiq olaraq 3,7%, 3,3% və 5,5% bahalaşıb, əvvəlki aya nisbətən isə müvafiq olaraq 2,0%, 2,0% və 2,1% ucuzlaşıb.

Ticarət tərəfdaşı olan ölkələrin valyutalarına nəzərən ikitərəfli real məzənnələrin dəyişməsinin ticarət xüsusi çəkiləri nəzərə alınmaqla həndəsi ortasını əks etdirən manatın real effektiv məzənnəsi isə yanvar-iyun aylarında ümumi ticarət dövriyyəsi üzrə 5,0%, idxal çəkili 4,5%, ixrac çəkili 5,4% ucuzlaşıb. May ayına nisbətən isə müvafiq olaraq 3,2%, 3,3% və 3,1% ucuzlaşma qeydə alınıb. Qeyri-neft sektoru üzrə real effektiv məzənnə 2009-cu ilin yanvar-iyun aylarında ümumi ticarət dövriyyəsi üzrə 3,4%, idxal çəkili 3,5%, ixrac çəkili 2,6%, əvvəlki aya nisbətən isə müvafiq olaraq 3,0%, 2,9% və 3,1% ucuzlaşıb.

Azərbaycanın xarici ticarət şəraitini xarakterizə edən indekslər (%)

	Nominal effektiv məzənnə indeksi			Real effektiv məzənnə indeksi
	Ticarət dövriyyəsi üzrə	İdxal üzrə	İxrac üzrə	Ticarət dövriyyəsi üzrə	İdxal üzrə	İxrac üzrə
Dekabr 2008	100	100	100	100	100	100
Yanvar	103.0	104.0	102.2	102.0	102.6	101.5
Fevral	107.9	109.3	106.6	105.5	106.6	104.7
Mart	107.9	109.7	106.4	104.2	105.2	103.3
Aprel	106.0	107.4	104.8	101.8	102.4	101.1
May	102.9	104.1	101.8	98.2	98.6	97.7
İyun	100.5	101.7	99.5	95.0	95.5	94.6

Mərkəzi Bankın məlumatına görə, cari ilin yanvar-iyun aylarında ümumi ticarət dövriyyəsi üzrə real effektiv məzənnəyə nominal valyuta məzənnələrinin dəyişməsi artırıcı, qiymətlərin dəyişməsi isə azaldıcı təsir göstərib.