Maliyyə

Ana səhifə

Maliyyə

Azərbaycandakı bankların aktivlər üzrə renkinqi

07 sentyabr 2009 14:22 (UTC +04:00)

Bakı. Elnur Hüseynquluyev – APA-Economics. Bu gündən etibarən «APA-Economics» Azərbaycanda fəaliyyət göstərən bank kredit təşkilatlarının 2009-cu ilin iyul ayının 1-nə müxtəlif maliyyə göstəriciləri üzrə renkinqlərinin hazırlanmasına başlayır.

Layihənin əsas məqsədi Azərbaycandakı bankların maliyyə-təsərrüfat fəaliyyəti və onun nəticələri haqqında ictimaiyyətin və potensial investorların məlumatlandırılmasıdır.

Layihənin ilk komponenti bankların aktivlər üzrə renkinqinin tərtib olunmasıdır. Aşağıdakı cədvəldə ölkədəki banklar 2009-cu il iyul ayının 1-i vəziyyətinə aktivlərin həcminə görə sıralanıb:

Banklar		Aktivlər (mln. AZN)
1	Azərbaycan Beynəlxalq Bankı	3 466,987
2	Bank Standard	523,721
3	Texnikabank	464,300
4	Xalg Bank	395,887
5	Bank Respublika	394,800
6	Kapital Bank	356,653
7	UniBank	341,857
8	Nikoil Bank	279,795
9	Paşa Bank	246,967
10	AccessBank	243,417
11	Azerdemiryolbank	215,400
12	AGBank	210,296
13	AtaBank	176,400
14	Bank of Baku	168,307
15	Yapı Kredi Bank Azerbaijan	151,019
16	Zamin Bank	150,331
17	Bank of Azerbaijan	127,285
18	Royal Bank of Baku	125,395
19	Muğan Bank	116,379
20	Rabitabank	83,187
21	Turan Bank	81,600
22	Para Bank	74,852
23	Azərnəqliyyatbank	69,723
24	Azərbaycan Sənaye Bankı	63,787
25	Əmrahbank	63,064
26	Kredo Bank	50,614
27	Birlik Bank	50,402
28	Bank Avrasiya	48,137
29	Azər-Türk Bank	47,043
30	NBCBank	44,527
31	Atrabank	34,293
32	United Credit Bank	33,188
33	Gəncə Bank	32,784
34	Qafqaz İnkişaf Bankı	32,397
35	Deka Bank	31,926
36	Melli İran Bankı - Bakı	31,754
37	Günay Bank	31,706
38	Debut Bank	29,831
39	Azərbaycan Kredit Bankı	27,558
40	Kövsər Bank	17,201

Cədvəldən göründüyü kimi, hazırda Azərbaycanda faktiki olaraq 46 bank kredit təşkilatı fəaliyyət göstərsə də, «APA-Economics»in renkinqində yalnız 40 bankın aktivləri əks olunub. Bu, digər bankların KİV-lə əməkdaşlıqdan imtina etməsi, maliyyə göstəricilərini təqdim etməməsi və digər subyektiv səbəblərlə bağlıdır.

Aktivlərin renkinqinə gəldikdə isə, gözlənildiyi kimi, ilk yeri Azərbaycan və regionun ən iri bank təşkilatı olan Azərbaycan Beynəlxalq Bankı (ABB) tutub. Əsasən dövlət mülkiyyətində (50,2%) olan bu bankın aktivlərinin durmadan artması bankın inkişafı, filial şəbəkəsinin geniş olması, əsas dövlət qurumlarına xidmət göstərməsi və s. obyektiv səbəblərlə əsaslandırılır. Bu gün Azərbaycanda yalnız ABB-nin aktivlərinin həcmi milyard manatla (təqribən 4,311 mlrd. ABŞ dolları) ölçülür.

Cədvəldən göründüyü kimi, yalnız 12 bankın aktivinin həcmi 200 mln. manat (01.07.2009-cu il vəziyyətinə - 248,694 mln. ABŞ dolları), daha 7 bankın aktivləri - 100 mln. manat (124,347 mln. ABŞ dolları), daha 8 bankın aktivinin həcmi isə 50 mln. manat (62,174 mln. ABŞ dolları) həddini üstələyib.