Maliyyə

Ana səhifə

Maliyyə

Azərbaycandakı sığorta şirkətlərinin daxilolmalar üzrə renkinqi

08 sentyabr 2009 08:49 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən maliyyə təşkilatlarının müxtəlif göstəriciləri üzrə renkinqlərinin hazırlanması layihəsi çərçivəsində «APA-Economics» bu dəfə ölkədəki sığorta təşkilatlarının 2009-cu ilin yanvar-iyul aylarında topladığı sığorta haqlarına görə sıralamasını təqdim edir.

Aşağıdakı cədvəldə ölkədəki sığorta təşkilatlarının daxilolmaları haqqında ətraflı məlumat verilir:

(mln. AZN)

	Sığorta şirkətləri	Sığorta haqları
1	Xalq Sığorta	22,04
2	Azərsığorta	17,59
3	Azalsığorta	12,79
4	Beynəlxalq Sığorta Şirkəti	8,05
5	Atəşgah	7,78
6	Paşa Sığorta	7,09
7	AzSığorta	6,25
8	A-Group	5,03
9	Standard İnsurance	4,50
10	MBASK	4,43
11	Azərbaycan Sənaye Sığorta	2,55
12	Bakı Sığorta	2,46
13	AtaSığorta	1,78
14	Qarant Sığorta	1,55
15	Star Alliance	1,45
16	Başak-İnam	1,42
17	Günay Anadolu	1,25
18	AIG Caspian İnsurance Company	1,21
19	Era Trans	0,92
20	BE&G	0,69
21	Alfa Sığorta	0,61
22	Thames İnsurance Group	0,50
23	Fidan Sığorta	0,37
24	Azərqarant	0,34
25	Əmrah Sığorta	0,13
26	Atəşgah Həyat Sığorta Şirkəti	0,12
27	Qala Sığorta	0,06
28	Azİnvest Sığorta	0,06
	Y E K U N	113,02

Maliyyə Nazirliyinin təqdim etdiyi hesabata əsasən, sığorta təşkilatları sırasında ən çox sığorta haqqı «Xalq Sığorta» şirkətinin payına düşüb. Belə ki, bu şirkətin cari ilin yanvar-iyul aylarında topladığı sığorta haqlarının həcmi 22,04 mln. manat təşkil edib ki, bu da məcmu daxilolmaların 19,5%-ni təşkil edib.

Həmçinin, ilk üçlüyə «Azərsığorta» Dövlət Sığorta Kommersiya Şirkəti (17,59 mln. manat və ya 15,6%) və «Azal Sığorta» şirkəti (12,79 manat və ya 11,3%) daxil olub.

Qeyd edək ki, ən az daxilolma «Azİnvest Sığorta»nın payına düşüb (0,05%). Ümumilikdə isə Azərbaycanda 28 sığorta təşkilatı fəaliyyət göstərir.