Maliyyə

Ana səhifə

Maliyyə

Azərbaycanda bank kreditləri son bir ildə 3 faiz bəndi ucuzlaşıb

08 sentyabr 2009 12:23 (UTC +04:00)

Bakı. Vahab Rzayev – APA-Economics. Azərbaycanda milli valyutada verilən kreditlər üzrə orta faiz dərəcələri ötən ilin avqust ayından bu ilin iyul ayı ərzində 2,87 faiz bəndi azalaraq 2009-cu ilin avqust ayının 1-nə 15,34% təşkil edib.

Azərbaycan Mərkəzi Bankından «APA-Economics»ə verilən məlumata görə, hüquqi şəxslər üzrə manatla kreditlərin orta faiz dərəcələri 3,21 faiz bəndi azalaraq 12,74%, fiziki şəxslər üzrə isə 0,55 faiz bəndi azalaraq 20,83% təşkil edib:

	Kreditlərə görə orta		Hüquqi şəxsalər üzrə		Fiziki şəxslər üzrə
	Manatla	Xarici valyuta	Manatla	Xarici valyuta	Manatla	Xarici valyuta
01.08.2008	18.21	14.10	15.95	11.71	21.38	21.38
01.01.2009	17.45	14.52	14.87	12.37	21.53	21.52
01.08.2009	15.34	16.39	12.74	13.79	20.83	22.19

Göründüyü kimi, il ərzində kreditlər üzrə faiz dərəcələrində nəzərə çarpan dəyişiklik baş verib. Həmçinin qeyd etmək lazımdır ki, hətta iyul ayında yüksək azalma müşahidə olunub. Belə ki, iyulda orta göstəricilərə görə, manat kreditləri 1,78, valyuta kreditləri isə 1,2 faiz bəndi ucuzlaşıb. Hüquqi şəxslər üzrə bu azalma müvafiq olaraq 2,06 və 1,22 faiz bəndi təşkil edib. Fiziki şəxslərə verilən kreditlər üzrə faiz dərəcələri iyulda manatla 0,36, valyuta ilə isə 0,48 faiz bəndi düşüb.