Maliyyə

Ana səhifə

Maliyyə

Azərbaycanda uzunmüddətli kredit qoyuluşları daha yüksək tempə artır

08 sentyabr 2009 13:22 (UTC +04:00)

Bakı. Vahab Rzayev – APA-Economics. Azərbaycanda ötən ilin avqust ayından 2009-cu ilin iyul ayının sonuna kimi qısamüddətli kredit qoyuluşları 9,6%, uzunmüddətli kredit qoyuluşları isə 15,4% artıb. Azərbaycan Mərkəzi Bankından «APA-Economics»ə verilən məlumata görə, nəticədə, hesabat dövrü ərzində kredit qoyuluşlarının strukturunda uzunmüddətli kreditlərin xüsusi çəkisi avqustun 1-nə 70,7%-ə çatıb:

(mln. manat)

	01.08.2009	01.08.2008
Kredit qoyuluşları	7 229,2	6 361,5
Qısamüddətli kreditlər	2 116,6	1 930,6
Xüsusi çəkisi (%)	29,3	30,4
Uzunmüddətli kreditlər	5 112,6	4 430,9
Xüsusi çəkisi (%)	70,7	69,7

Mərkəzi Bankın hesablamalarına görə, təhlil olunan dövrdə qısamüddətli kredit qoyuluşlarının 94,3%-ni bank, 5,7%-ni isə qeyri-bank kredit təşkilatları tərəfindən ayrılan kreditlər təşkil edib. O cümlədən, bank sisteminin qısamüddətli kredit qoyuluşlarının strukturunda Azərbaycan Beynəlxalq Bankının payı 32,2%-ə, digər bankların payı isə 67,8%-ə bərabər olub.

Uzunmüddətli kredit qoyuluşunun 98,8%-ni bank, 1,2%-ni isə qeyri-bank kredit təşkilatlarının kreditləri təşkil edib. Bank sisteminin uzunmüddətli kredit qoyuluşlarında Beynəlxalq Bankın payı 52,6%-ə, digər bankların payı isə 47,4%-ə bərabər olub.