Bu ilin birinci yarısında Azərbaycanda daşınmaz dövlət əmlakının icarəsindən büdcəyə 17,8 milyon manat vəsait ödənilib.
Bu barədə "APA-Economics"ə İqtisadiyyat Nazirliyi yanında Əmlak Məsələləri Dövlət Xidmətindən bildirilib.
Məlumata görə, ötən ilin eyni dövrü ilə müqayisədə 11,25% çoxdur.
Yanvar-iyun aylarında qeyri-yaşayış sahəsinə dair 308 yeni icarə müqaviləsi bağlanılıb. Qeyri-yaşayış sahələrinin icarəsindən dövlət büdcəsinə 3,3 milyon manat vəsaitin ödənilməsi təmin olunub.
Hesabat dövründə 1 518 torpaq sahəsinə dair yeni icarə müqaviləsi bağlanılıb. Torpaq sahələrinin icarəsindən dövlət büdcəsinə 14,5 milyon manat məbləğində vəsait ödənilib.
Altı ayda ümumilikdə qeyri-yaşayış və torpaq sahələrinin icarəyə verilməsi ilə bağlı 1 826 yeni icarə müqaviləsi bağlanılıb. Ötən ilin eyni dövrü ilə müqayisədə bağlanan icarə müqaviləsinin sayı 4,88% artıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
