ABB və KOBİA-nın birgə təşkilatçılığı ilə Xaçmazdakı KOB evində yerli sahibkarlar üçün təlim təşkil olunub. Təlim “Maliyyə mənbələrinə çıxışa dəstək” mövzusuna həsr edilib. Tədbirdə Quba-Xaçmaz bölgəsində fəaliyyət göstərən bir qrup fərdi sahibkar iştirak edib.
“APA-Economics” xəbər verir ki, onlara ABB-nin regionlarda sahibkarlara yaratdığı imkanlar, Bankın məhsul və xidmətləri haqqında ətraflı məlumat verilib. İştirakçlar Bankın bizneslər üçün rəqəmsal xidmətləri barədə də ətraflı məlumatlandırılıblar. O cümlədən İnternet Bankçılıq, ABB Business mobile həllərinin imkanları təqdim olunub. ABB və KOBİA təmsilçiləri iştirakçıların suallarını cavablandırıblar.
Müasir dövlət bankı olan ABB-nin universal və faydalı məhsul və xidmətləri ilə bağlı ətraflı məlumatı bankın filial və şöbələrindən, www.abb-bank.az internet səhifəsindən, 937 nömrəli Məlumat Mərkəzindən, həmçinin rəsmi “Facebook” səhifəsindən əldə etmək olar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
