Bu ilin yanvar-mart aylarında Naxçıvan Muxtar Respublikasında ümumi daxili məhsul istehsalı 524 mln. 186 min manatdan artıq olub ki, bu da bir il öncəki müvafiq göstəricidən çoxdur.
“APA-Economics”in Naxçıvan Dövlət Statistika Komitəsinə istinadən verdiyi məlumata görə, hər bir nəfərə düşən ümumi daxili məhsul isə əvvəlki ilin müvafiq dövrünə nisbətən 2,9% artaraq 1156 manatı ötüb.
Ümumi daxili məhsulun tərkibində ilk yeri 31,5%-lik payla sənaye sahəsi tutub və maddi istehsalın payı 54,1% təşkil edib. 2017-ci ilin müvafiq dövrü ilə müqayisədə 2018-ci ilin yanvar-mart aylarında sənaye məhsulu 1,5%, əsas kapitala yönəldilən vəsaitlər 2,7%, kənd təsərrüfatı məhsulu 3%, nəqliyyat sektorunda yük daşınması 1,8%, informasiya və rabitə xidmətləri 1,6%, o cümlədən mobil rabitə xidməti 1,9% artıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
