Bu ilin ilk rübündə Naxçıvan Muxtar Respublikasında sahibkarlara 7 mln. 442 min 700 manat kreditlər verilib.
“APA-Economics”in Naxçıvan Dövlət Statistika Komitəsinə istinadən verdiyi məlumata görə, bu kreditlərdən 5 mln. 566 min 300 manatı yeni istehsal sahələrinin yaradılmasına və ya genişləndirilməsinə, 1 mln. 876 min 400 manatı isə fərdi sahibkarlığın inkişafına sərf olunub. Bu dövrdə 2 hüquqi və 528 fiziki şəxs qeydiyyata alınıb.
"Yerli istehsal sahələrinin inkişafının nəticəsidir ki, bu gün muxtar respublikada 376 növdə məhsul istehsal olunur. Bu məhsulların 126 növü ərzaq, 250 növü qeyri-ərzaq məhsullarıdır. 108-i ərzaq, 236-sı qeyri-ərzaq olmaqla, 344 növdə məhsula olan tələbatın tamamilə yerli imkanlar hesabına ödənilməsi təmin edilib", - deyə məlumatda vurğulanıb.
Bu il aprelin 1-nə Naxçıvan Muxtar Respublikasının banklarında açılmış bank hesablarının sayı 67 622-yə çatıb. Bunun da 58733-ü və ya 86,9%-i aktiv hesablardır. 2018-ci ilin ilk rübündə açılmış 3 269 bank hesabının 3 222-si aktiv hesablar olub. Bu ilin aprelin 1-nə muxtar respublikada quraşdırılmış POS-terminalların sayı 1 265-ə çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
