2017-ci ilin sonuna Azərbaycan Beynəlxalq Bankının (ABB) Gürcüstandakı törəməsi "ABB-Gürcüstan" ASC-nin ("ABB-Gürcüstan") aktivlərinin həcmi 78,221 mln. lari təşkil edib.
"APA-Economics" bankın balans hesabatına istinadən xəbər verir ki, aktivlərin həcmi 2016-cı ilin müvafiq dövrü ilə müqayisədə 43,4% azalıb.
Törəmə bankın kredit portfeli 64,7% azalaraq 24,865 mln. lariyə enib.
Ötən il dekabrın sonuna "ABB-Gürcüstan"ın depozit portfeli 53% azalaraq 14,309 mln. lari olub. Bankın öhdəliklərinin həcmi 39,847 mln. lari təşkil edib ki, bu da 2016-cı ilin müvafiq dövrü ilə müqayisədə 62% azdır.
Hesabat dövrünün sonuna bankın nizamnamə kapitalı dəyişməyərək 22,688 mln. lari, cəmi kapitalı 38,375 mln. lari təşkil edib ki, bu da illik müqayisədə 15,1%-lik artım deməkdir.
2017-ci ilin sonuna bankın xalis gəliri 750 min 960,109 lari təşkil edib.
Qeyd edək ki, “Azərbaycan Beynəlxalq Bankı” ASC-nin səhmdarlarının martın 14-də keçirilmiş ümumi yığıncağında bankın törəmə müəssisələri olan “ABB-Gürcüstan”, “MBA-Moskva” və “Biznes-Rabitə” MMC-nin fəaliyyətinin dayandırılması barədə qərar qəbul edilib.
Xatırladaq ki, Gürcüstan Milli Bankı "ABB-Gürcüstan" ASC-yə bank fəaliyyətinin həyata keçirilməsi üçün lisenziyanı 2007-ci ilin fevralın 7-də verib. Bank fəaliyyətinə fevralın 26-dan başlayıb.
- 1 gürcü larisi = 0,6940 manat
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
