Tramp ətrafındakı qalmaqal dünyanın ən zəngin insanlarına 35 mlrd. dollara başa gəlib

tramp etrafindaki qalmaqal dunyanin en zengin insanlarina 35 mlrd dollara basa gelib

Mayın 17-də ABŞ prezidenti Donald Tramp administrasiyası ətrafında yaranan qalmaqala görə ABŞ və digər ölkələrin fond bazarında kəskin dəyişiklik səbəbindən dünyanın 500-dən çox zəngin insanının ümumi sərvəti 35 mlrd. dollar azalıb.

 

APA-Economics” xəbər verir ki, ötən gün proqram təminatının hazırlanması ilə məşğul olan Microsoft şirkətinin səhmlərinin 2% ucuzlaşması səbəbindən planetin ən varlı insanı Bill Qeyts 1 mlrd. dollar itirib. “Bloomberg” agentliyinin son hesablamalarına görə, B.Qeytsin sərəncamında 86,6 mlrd. dollar vəsait var.   

 

“Amazon” şirkətinə rəhbərlik edən amerikalı sahibkar Ceffri Bezosun itkiləri isə 1,7 mlrd. dollara bərabər olub. Belə ki, ötən gün Amazon şirkətinin səhmləri 2,2% dəyərdən düşüb. Buna görə də D.Bezosun aktivləri 81,9 mlrd. dollara qədər azalıb. 

 

İspaniyanın tekstil şirkəti “Inditex” və “Zara” ticarət markasının sahibi Amansio Orteqanın zərəri isə 355 mln. dollar olub. Onun sərvəti 83,2 mlrd. dollara qədər azalıb. Maraqlıdır ki, sərvətinin azalmasına baxmayaraq A.Orteqa planetin ən varlı insanları siyahısında D.Bezosu qabaqlayaraq 2-ci yerə yüksəlib.

 

“Facebook”un yaradıcısı Mark Zukerberq isə 2 mlrd. dollar itirib. Belə ki, “Facebook”un səhmləri 3,3% azaldığından M.Zukerberqin sərvəti 62,3 mlrd. dollara qədər azalıb.

 

Qeyd edək ki, “Bloomberg” agentliyinin hesablamalarına görə, dünyanın 500-dən çox zəngin insanının ümumi sərvəti 4,9 trln. dollar təşkil edir.

  

Xatırladaq ki, mayın 15-də “The Washington Post” qəzeti iddia edib ki, Tramp ötən həftə Ağ Evdə Rusiyanın xarici işlər naziri Sergey Lavrov və Rusiyanın ABŞ-dakı səfiri Sergey Kislyak ilə görüşdə “İslam Dövləti” terrorçu təşkilatı ilə bağlı məxfi məlumatları onlarla bölüşüb. Mayın 16-da “The New York Times” nəşri məlumat verib ki, D.Tramp Federal Təhqiqatlar Bürosunun rəhbəri Ceyms Komini vəzifədən çıxartmazdan əvvəl ondan milli təhlükəsizlik üzrə keçmiş köməkçisi Maykl Flinna barəsində istintaqı dayandırmasını istəyib. Bu məlumatlar ABŞ-da “bomba effekti”nə səbəb olub və D.Trampın prezidentlik müddətinin vaxtından əvvəl başa çatacağı ilə bağlı iddiaların yaranmasına gətirib çıxardıb. Xüsusilə, ABŞ Konqresində bəzi demokratlar impiçmentin mümkünlüyü barədə danışıblar. 

BÖLMƏDƏN DİGƏR XƏBƏRLƏR

XƏBƏR LENTİ

00:07 21 Sentyabr
18:30 20 Sentyabr
TOP 5

VİDEO XƏBƏRLƏR

FOTO XƏBƏRLƏR

  • bakida kecirilecek finalin deqiq tarixi melum olub yenilenib
    Bakıda keçiriləcək finalın dəqiq tarixi məlum olub - YENİLƏN...
  • mudafie nazirliyinde pakistan herbi hava quvvelerinin numayende heyeti ile gorus kecirilib
    Müdafiə Nazirliyində Pakistan Hərbi Hava Qüvvələrinin nümayə...
mudafie nazirliyinde pakistan herbi hava quvvelerinin numayende heyeti ile gorus kecirilib mudafie nazirliyinde pakistan herbi hava quvvelerinin numayende heyeti ile gorus kecirilib +2
MƏZƏNNƏ
FOREX
/ 21 Sentyabr, 2017

USD
1.7007
 
EUR
2.0421
 
RR
0.0293
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ