Müxalifətin İrəvanın mərkəzində keçirdiyi etiraz aksiyası zamanı polislə yaşanan toqquşma nəticəsində 9 nəfər saxlanılıb.
APA-nın “Sputnik-Armenia”ya istinadən xəbərinə görə, bu barədə məlumatı Ermənistanın Daxili İşlər Nazirliyi yayıb. Bildirilib ki, onlardan yeddisi Myasnikyan prospekti, iki nəfər isə “Respublika” meydanında polisə müqavimət göstərərkən tutulub. Polis həmçinin vətəndaşları ərazini tərk etməyə çağırsa da bu, mümkün olmayıb. Bir qrup aksiya iştirakçısı isə hökumət binasının əsas girişini bağlamağa cəhd göstərib.
Qeyd edək ki, keşiş Baqrat Qalstanyanın rəhbərlik etdiyi “Vətən naminə Tavuş” hərəkatının təşkilatçısı olduğu aksiya bu dəqiqələrdə də davam edir.
***
11:30
İrəvanda polislə “Vətən Uğrunda Tavuş” hərəkatının Ermənistan hökumətinin binası qarşısındakı itaətsizlik aksiyası keçirən iştirakçıları arasında toqquşma olub.
APA “news.am”a istinadən xəbərinə görə, polis onlardan yolun hərəkət hissəsindən çıxmağı tələb edib, lakin kütlə buna tabe olmayıb.
Nəticədə polis bir neçə nəfəri saxlayıb. Qeyd edək ki, bu dəqiqələrdə hökumətin iclası keçirilir.
***
10:14
Ermənistanın paytaxtında polis hökumət evinin binasını mühasirəyə alıb.
APA-nın “Sputnik-Armenia”ya istinadən xəbərinə görə, bu barədə ölkənin Daxili İşlər Nazirliyi məlumat yayıb.
Bildirilib ki, buna səbəb yerli vaxtla saat 10:30-da, Nazirlər Kabinetinin iclası başlayan ərəfədə keşiş Baqrat Qalstanyan və tərəfdarlarının ərazidə etiraz aksiyası keçirəcəyi barədə daxil olan informasiyadır.
Məlumata əsasən, polis əməkdaşlarına aksiyanın qarşısının alınması ilə bağlı qəti göstəriş verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
