Heydər Əliyev Mərkəzində tanınmış heykəltəraşın sərgisi açılıb

Oktyabrın 28-də Heydər Əliyev Mərkəzində tanınmış meksikalı rəssam və heykəltəraş Xorxe Marinin “Varlığın canlanması” adlı fərdi sərgisi açılıb. Heydər Əliyev Fondunun vitse-prezidenti Leyla Əliyeva sərginin açılışında iştirak edib.

 

APA-nın “Azərtac”-a istinadən məlumatına görə, açılış mərasimində Heydər Əliyev Mərkəzinin direktoru Anar Ələkbərov çıxış edərək Mərkəzin incəsənətimizin inkişafına dəstək verən növbəti layihələrdən birini təqdim etdiyini diqqətə çatdırıb. Bildirilib ki, Xorxe Marinin bu sərgisinin təşkili üçün həm Heydər Əliyev Fondunun, həm də Heydər Əliyev Mərkəzinin əməkdaşları uzun müddətdir birgə işləyiblər.

 

Meksikanın Azərbaycandakı səfiri Xuan Rodrigo Labardini Flores sərginin açılışında iştirak edənləri Azərbaycan dilində salamlayıb. Diplomat deyib ki, dünya şöhrətli Xorxe Marin Meksikanın müasir təsviri incəsənətinin ən görkəmli simalarındandır. Sərginin xalqlarımız arasında dostluğun əyani nümunəsi olduğunu söyləyən səfir bildirib ki, belə layihələr Meksika ilə Azərbaycan arasında mədəni əlaqələrin daha da genişlənməsinə təkan verəcək.

 

Bakıda sərgisinin açılmasından qürur duyduğunu söyləyən Xorxe Marin ilk növbədə Azərbaycanın birinci xanımı Mehriban Əliyevaya, Heydər Əliyev Fondunun vitse-prezidenti Leyla Əliyevaya, eləcə də bu işdə əməyi olan hər kəsə təşəkkürünü bildirib.

 

Ekspozisiyada sənətkarın son illərdə yaratdığı monumental əsərlər nümayiş olunur. Bu, Xorxe Marinin Şərqi Avropa regionunda ilk sərgisidir. 53 yaşlı Xorxe Marin 25 ildən artıqdır ki, yaradıcılıqla məşğuldur, 250-dən çox fərdi və birgə sərgilərdə iştirak edib. Onun əsərləri Fransa, İspaniya, Portuqaliya, Türkiyə, Almaniya, Belçika, Macarıstan, Rumıniya, Kosta-Rika, Panama, Salvador, Qvatemala, Kanada, ABŞ, İngiltərə, Rusiya, Danimarka, Latviya, Serbiya, Sinqapur, Çin, Honkonq və İndoneziyanın muzey və qalereyalarında sərgilənib.

 

Heydər Əliyev Mərkəzində sərgi 2017-ci il martın 31-dək davam edəcək.

 

BÖLMƏDƏN DİGƏR XƏBƏRLƏR

XƏBƏR LENTİ

18:12 18 Avqust
TOP 5

VİDEO XƏBƏRLƏR

FOTO XƏBƏRLƏR

  • azerbaycanda kecmis telekanal rehberinin oglu cayda batib
    Azərbaycanda keçmiş telekanal rəhbərinin oğlu çayda batıb...
  • deputat novruz aslanov secicileri qebul edib
    Deputat Novruz Aslanov seçiciləri qəbul edib
deputat novruz aslanov secicileri qebul edib deputat novruz aslanov secicileri qebul edib +2
MƏZƏNNƏ
FOREX
/ 18 Avqust, 2017

USD
1.7008
 
EUR
1.9963
 
RR
0.0287
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ