Vaşinqtonda Rostropoviçin 90 illik yubileyi qeyd olunub

Amerika-Rusiya Mədəniyyət Əməkdaşlığı Fondunun təşkilatçılığı ilə ABŞ paytaxtının Con Kennedi İncəsənət Mərkəzində Azərbaycanda anadan olmuş maestro Mstislav Rostropoviçin 90 illik yubileyinə həsr olunmuş tədbir keçirilib.

 

Azərbaycanın ABŞ-dakı səfirliyindən APA-ya verilən məlumata görə, tədbirdə diplomatik korpusun nümayəndələri, ABŞ Konqresinin üzvləri və nüfuzlu incəsənət xadimləri iştirak ediblər. 
 

ABŞ senatoru Riçard Luqar M. Rostropoviç sənətinə dərin hörmət hissi bəslədiyini, 1977-ci ildə M. Rostropoviç ABŞ Milli Simfonik Orkestrinin dirijoru kimi fəaliyyətə başlayan zaman özünün senator kimi Vaşinqtona işləməyə gəldiyini bildirib. 
 

Rusiyanın ABŞ-dakı səfiri Sergey Kislyak isə M. Rostropoviçi gözəl musiqiçi kimi xarakterizə edib, dahi sənətkarın xatirəsini yaşatmaq üçün Rusiya və dünyanın bir sıra şəhərlərində, eləcə də Bakıda konsertlərin təşkil olunduğunu deyib.
 

Öz növbəsində Azərbaycanın ABŞ-dakı səfiri Elin Süleymanov tədbirin təşkil edilməsi ilə əlaqədar Amerika-Rusiya Mədəniyyət Əməkdaşlığı Fonduna təşəkkürünü bildirib. Səfir dahi sənətkar M. Rostropoviçin Azərbaycanda anadan olduğunu və sonra dünyanın müxtəlif ölkələrində işləyərək fərqli mədəniyyətləri bir-birinə bağladığını qeyd edib. E. Süleymanov bu günlərdə Bakıda M. Rostropoviçin şərəfinə 9-cu Beynəlxalq musiqi festivalının keçirildiyini vurğulayıb. Səfir sözügedən festivalın 2007-ci ildən başlayaraq Azərbaycan prezidenti İlham Əliyevin dəstəyi ilə keçirildiyini diqqətə çatdırıb. 

 

Tahir Salahov Ev muzeyinin direktoru Səadət Mirzəyeva isə tanınmış rəssam Tahir Salahovun dahi musiqiçi M. Rostropoviçin uşaqlıq dostu olduğunu, 1998-ci ildə T. Salahovun M. Rostropoviçin şəklinin eskizini çəkdiyini bildirib. Sonra S. Mirzəyeva həmin eskizin surətini Amerika-Rusiya Mədəniyyət Əməkdaşlığı Fonduna hədiyyə edib və eskiz əsasında yaradılmış rəsm əsərinin Con Kennedi İncəsənət Mərkəzində M. Rostropoviçin 90 illik yubileyinin keçirildiyi zalın girişində nümayiş etdirildiyini qeyd edib.  
 

Sonra incəsənət xadimləri çıxış edərək M. Rostropoviçlə bağlı xatirələrini bölüşüblər və müxtəlif musiqi parçaları ifa ediblər.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • prezident ilham eliyev semkir aqroparki nin logistika merkezini ise salib
    Prezident İlham Əliyev “Şəmkir Aqroparkı”nın Logistika Mərkə...
  • erdogan pyd ypg ye yardim eden abs ve avropaya sonuncu defe xeberdarliq etdiyini beyan edib
    Ərdoğan PYD/YPG-yə yardım edən ABŞ və Avropaya sonuncu dəfə ...
erdogan pyd ypg ye yardim eden abs ve avropaya sonuncu defe xeberdarliq etdiyini beyan edib erdogan pyd ypg ye yardim eden abs ve avropaya sonuncu defe xeberdarliq etdiyini beyan edib +2
MƏZƏNNƏ
FOREX
/ 21 Avqust, 2017

USD
1.7008
 
EUR
1.9963
 
RR
0.0287
 

SƏSVERMƏ

Bizim saytdan istifadə etmək sizin üçün rahatdırmı?
TƏSDİQLƏ