Xarici siyasət

Ana səhifə

Xarici siyasət

BMT-nin baş katibi beynəlxalq sülh günü münasibəti ilə müraciət yayıb

15 sentyabr 2008 10:01 (UTC +04:00)

“Bu il qeyd olunan Beynəlxalq Sülh Günü xüsusi məna kəsb edir. Bu il biz İnsan Hüquqları haqqında Ümumi Bəyannamənin qəbul olunmasının 60-cı ildönümünü qeyd edirik”. Bu barədə BMT-nin baş katibi Pan Ki Munun 21 sentyabr Beynəlxalq Sülh Günü ilə bağlı müraciətində qeyd olunub. BMT-nin Azərbaycandakı nümayəndəliyindən APA-ya verilən məlumata görə, müraciətdə sülhə nail olmaq üçün insan hüquqlarının rolunun əvəzedilməz olduğu vurğulanıb: “Hələ də dünyada bir çox insanların hüquqları, xüsusilə silahlı münaqişələr zamanı və münaqişələrdən sonrakı dövrdə pozulmaqda davam edir. Məhz buna görə də biz çalışmalıyıq ki, Bəyannamədə qeyd olunan hüquqlar günümüzün reallığına çevrilsin”.
Baş katib qeyd edib ki, BMT dünya xalqlarını səfərbər etmək məqsədi ilə mesaj kampaniyasına start verir: “Mənim mesajımda deyilir: “21 sentyabr - Beynəlxalq Sülh Günüdür. Mən ümumdünya liderlərinə və bütün dünya əhalisinə səslənərək münaqişə, yoxsulluq və aclığa qarşı və hamı üçün insan hüquqlarının təmin olunması istiqamətində qüvvələrin birləşdirilməsinə çağırıram”.