Bakı. Aqşin Rafiqoğlu – APA-Economics. Sabah Azərbaycan Dövlət Neft Şirkətinin (SOCAR) nümayəndəsi Gürcüstanın energetika naziri Kaxa Kaladze ilə görüşəcək.
“APA-Economics”in “Georgia Online” agentliyinə istinadən verdiyi məlumata görə, bu barədə jurnalistlərə Gürcüstan parlamentinin deputatı Georgi Volskiy məlumat verib.
“Sabah SOCAR rəsmisi Gürcüstana səfər edəcək. Tərəflər qaz tədarükü ilə bağlı detalları müzakirə edəcəklər. Əsasən müzakirə qiymətlərlə bağlı olacaq”, - deyə o bildirib.
Yeri gəlmişkən, bu gün energetika naziri K.Kaladze gürcüstanlı mütəxəssislərlə görüşüb və onlara Rusiyanın “Qazprom” şirkəti ilə aparılan danışıqlar barədə məlumat verib. Onun sözlərinə görə, Gürcüstanın Energetika Nazirliyi bu məsələ ilə bağlı “Qazprom”la danışıqlar aparmağı məqsədəuyğun sayır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
