Gəncə. Azər Məmmədli – APA. Gəncədə təbii qazdan zəhərlənmə olub. APA-nın qərb bürosunun məlumatına görə, şəhərin Həsən Əliyev küçəsində kirayədə yaşayan Gədəbəy rayon sakinləri, 1998-ci il təvəllüdlü Günel Məmmədova, 1996-cı il təvəllüdlü Elşanə Nəbiyeva və 1997-ci il təvəllüdlü Nübar Qoşqarlı təbii qazdan zəhərlənmə əlamətləri ilə Gəncə şəhər Təcili Tibbi Yardım xəstəxanasına yerləşdiriliblər. Onlara dərhal tibbi yardım göstərildikdən sonra vəziyyətləri normallaşıb.
Məlumata görə qızların zəhərlənməsinə səbəb kirayə qaldıqları evdə qaz sobasından otağa dolan təbii qaz olub.
Tələbələr Gəncə Dövlət Universiteti, Humanitar və Tibb kolleclərində təhsil alırlar.
***** 22.03
Gəncə. Azər Məmmədli – APA. Gəncədə zəhərlənmə olub. APA-nın qərb bürosunun verdiyi xəbərə görə, ilkin məlumata əsasən, iki gənc qız yaşadıqları evdə dəm qazından zəhərləniblər. Onlar yaxınlarının köməyi ilə Gəncə şəhər Təcili Tibbi Yardım xəstəxanasına çatdırılıblar.
Reanimasiya şöbəsinə yerləşdirilən qızlarının vəziyyəti ağır qiymətləndirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
