Suriya Kimyəvi Silahların Qadağan Olunması üzrə Təşkilatın (KSQT) ekspertlərini zarin maddəsinin mövcudluğunu yoxlamaq üçün "Şayrat" aviabazasına buraxmağa hazırdır.
APA-nın TASS agentliyinə istinadən verdiyi xəbərə görə, bu barədə Suriyanın BMT yanındakı daimi nümayəndəsi Bəşər Cəfəri Təhlükəsizlik Şurasının iclasında bildirib.
“Biz KSQT-nin direktoru Əhməd Uzümçüyə məktub göndərərək Xan-Ceyhun şəhəri və “Şayrat” aviabazasına qərəzsiz və peşəkar missiya göndərilməsini xahiş etmişik. Xan-Şeyhun şəhərində baş verənlərə aydınlıq gətirilməsində ən çox Suriya hökuməti maraqlıdır”, deyə B.Cəfəri qeyd edib.
Qeyd edək ki, aprelin 4-də Xan-Şeyhun şəhərində kimyəvi silahla törədilən hücum zamanı onlarla insan ölüb. Rəsmi Dəməşq hadisəyə aidiyyətinin olmadığını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
