Bakı. Musa Əhmədov - APA-Economics. 2015-ci il ərzində Vergilər Nazirliyinin Vergi Apelyasiya Şurasının icraatında 54 müraciət olub.
Nazirlikdən “APA-Economics”ə verilən məlumata görə, 1 müraciət 2014-cü ildən qalıq qalıb, 53 müraciət isə 2015-ci il ərzində daxil olub. Şuranın icraatında olmuş müraciətlərdən 22-si kameral vergi yoxlamasının, 15-i səyyar vergi yoxlamasının, 15-i operativ vergi nəzarətinin nəticələri və 2-si isə digər məsələlər ilə bağlı olub.
Şuranın icraatında olmuş 54 müraciətdən 49-na Vergi Məcəlləsinin, “İnzibati icraat haqqında” Qanununun, Vergilər Nazirliyinin Vergi Apellyasiya Şurası haqqında Əsasnamənin və digər aidiyyəti hüquqi aktların tələblərinə uyğun baxılaraq müvafiq qərarlar qəbul edilib, 5 müraciət isə 2016-cı ilə keçib.
Şurada baxılaraq müvafiq qərarlar qəbul edilmiş 49 müraciətin 27-si tam və ya qismən təmin edilib, 14-ü təmin edilməyib, 4-nün icraatına xitam verilib, 3-ü baxılmadan saxlanılıb və 1-nin isə müddəti uzadılıb. Şura tərəfindən baxılmış 49 müraciətdən 46-sı vergi ödəyicisinin təkrar şikayəti üzrə, 3-ü isə vergi orqanının müraciəti üzrə olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
