Şəmkirdə baş verən yanğında xəsarət alan 9 yaşlı uşaq xəstəxanada vəfat edib

Şəmkirdə baş verən yanğında xəsarət alan 9 yaşlı uşaq xəstəxanada vəfat edib
# 14 fevral 2020 19:07 (UTC +04:00)

Fevralın 11-də Şəmkirdə baş verən yanğında ağır xəsarət alanlardan biri də dünyasını dəyişib.

APA-nın qərb bürosunun məlumatına görə, hadisə zamanı xəsarət alan 2011-ci il təvəlüdlü Əhmədov Rüstəm Zöhrab oğlu Bakıda xəstəxanada dünyasını dəyişib.

Hadisə zamanı xəsarət alan digər iki nəfərin vəziyyəti ağır olaraq qalır.

Qeyd edək ki, fevralın 11-də Şəmkirin Ələsgərli kəndində kənd sakini, 1987-ci il təvəllüdlü Əhmədov Zöhrab Rüstəm oğluna məxsus ev yanıb. Hadisə zamanı 1960-cı il təvəllüdlü Əhmədova Mehi Bayraməli qızı vəfat edib, ev sahibi və onun övladı 2011-ci il təvəllüdlü Əhmədov Rüstəm Zöhrab oğlu ağır yanıq xəsarətləri ilə Şəmkir Rayon Mərkəzi Xəstəxanasına aparılıb. Vəziyyətləri ağır olduğundan Gəncə şəhərinə, oradan da Bakıya aparılıblar. Yanğında 1957-ci il təvəllüdlü Əhmədov Rüstəm Süleyman oğlu da xəsarət alıb. Hadisənin elektrik naqillərində baş verən qısaqapanmadan olduğu deyilir.

Faktla bağlı araşdırma aparılır.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR