Bakının 2017-ci ildə IV İslam Həmrəyliyi Oyunlarının keçirilməsi üçün namizədliyinin irəli sürülməsi ilə bağlı Təşkilat Komitəsi yaradılıb - SİYAHI

Bakının 2017-ci ildə IV İslam Həmrəyliyi Oyunlarının keçirilməsi üçün namizədliyinin irəli sürülməsi ilə bağlı Təşkilat Komitəsi yaradılıb - <font color=red>SİYAHI</font>
# 04 iyun 2012 16:51 (UTC +04:00)
APA-nın məlumatına görə, sərəncamda bildirilir ki, Bakı şəhərinin 2017-ci ildə IV İslam Həmrəyliyi Oyunlarını keçirmək üçün namizədliyi irəli sürülüb.

Bununla bağlı tədbirlərin həyata keçirilməsi məqsədilə Bakı şəhərinin 2017-ci ildə IV İslam Həmrəyliyi Oyunlarını keçirmək üçün namizədliyinin dəstəklənməsi üzrə aşağıdakı tərkibdə Təşkilat Komitəsi yaradılıb:

Təşkilat Komitəsinin sədri

Yaqub Eyyubov – Azərbaycan Respublikası Baş nazirinin birinci müavini

Təşkilat Komitəsinin üzvləri

Azad Rəhimov – Azərbaycan Respublikasının gənclər və idman naziri
Hacıbala Abutalıbov – Bakı Şəhər İcra Hakimiyyətinin başçısı
Elmar Məmmədyarov – Azərbaycan Respublikasının xarici işlər naziri
Kəmaləddin Heydərov – Azərbaycan Respublikasının fövqəladə hallar naziri
Şahin Mustafayev – Azərbaycan Respublikasının iqtisadi inkişaf naziri
Samir Şərifov – Azərbaycan Respublikasının maliyyə naziri
Əbülfəs Qarayev – Azərbaycan Respublikasının mədəniyyət və turizm naziri
Əli Abbasov – Azərbaycan Respublikasının rabitə və informasiya texnologiyaları naziri
Füzuli Ələkbərov – Azərbaycan Respublikasının əmək və əhalinin sosial müdafiəsi naziri
Rövnəq Abdullayev – Azərbaycan Respublikası Dövlət Neft Şirkətinin prezidenti
Çingiz Hüseynzadə – Azərbaycan Respublikası Milli Olimpiya Komitəsinin vitse-prezidenti
İlqar Rəhimov – Azərbaycan Respublikası Paralimpiya Komitəsinin prezidenti
Ağacan Abiyev – Azərbaycan Respublikası Milli Olimpiya Komitəsinin baş katibi
Fərid Mansurov – Olimpiya çempionu
Namiq Abdullayev – Olimpiya çempionu
Zemfira Meftəhətdinova – Olimpiya çempionu
Elnur Məmmədli – Olimpiya çempionu
Nizami Paşayev – İslam Həmrəyliyi Oyunlarının çempionu

Təşkilat Komitəsinə Bakının 2017-ci ildə IV İslam Həmrəyliyi Oyunlarını keçirmək üçün namizəd şəhər kimi irəli sürülməsi ilə bağlı bütün məsələləri həll etmək, Gənclər və İdman Nazirliyi, Bakı Şəhər İcra Hakimiyyəti və Milli Olimpiya Komitəsi ilə birlikdə İslam Həmrəyliyi Oyunlarının keçirilməsi ilə bağlı Bakı şəhərinin namizədliyinin sifariş kitabını hazırlamaq tapşırılıb.

Sərəncamdan irəli gələn məsələləri Nazirlər Kabineti həll edəcək.
#
#

ƏMƏLİYYAT İCRA OLUNUR