Bolqarıstan Bakıda keçiriləcək beynəlxalq turizm sərgisində geniş tərkiblə iştirak edəcək

Bolqarıstan Bakıda keçiriləcək beynəlxalq turizm sərgisində geniş tərkiblə iştirak edəcək
# 01 fevral 2012 10:03 (UTC +04:00)
Bakı. Nicat Mustafayev – APA-Economics. Bu ilin aprelin 12-14-də Böyük Britaniyanın «ITE Group» şirkətinin Qafqazdakı eksklüziv tərəfdaşı olan «Iteca Caspian» şirkətinin təşkilatçılığı ilə Bakıda keçiriləcək Azərbaycan Beynəlxalq Turizm və Səyahətlər Sərgisində («AITF 2012») Bolqarıstanın 10-dan çox şirkəti, o cümlədən aparıcı turizm operatorları iştirak edəcək.
«Iteca Caspian» şirkətindən «APA-Economics»ə verilən məlumata görə, bununla bağlı, Bolqarıstanın iqtisadiyyat, enerji və turizm nazirinin müavini İvo Marinov qeyd edib ki, iki ölkə arasında turizm sahəsində böyük əməkdaşlıq potensialı mövcuddur və buna görə də Bolqarıstan «AITF-2012» sərgisində geniş tərkiblə iştirak edəcək.
Nazir müavininin sözlərinə görə, həm Azərbaycandan Bolqarıstana, həm də Bolqarıstandan Azərbaycana turist axınını optimallaşdırmaq üçün bir sıra tədbirlərin keçirilməsi ilə bağlı qərar qəbul olunub və Bolqarıstan bu imkandan istifadə edərək «AITF-2012» sərgisində öz milli stendi ilə çıxış etmək qərarına gəlib.
Öz növbəsində «Iteca Caspian» şirkətinin direktoru Fərid Məmmədov qeyd edib ki, «AITF-2012» sərgisi Bolqarıstan şirkətlərinə özlərini Azərbaycandan olan turistlərə tanıtmaq və yerli turizm şirkətləri ilə işgüzar əlaqələr yaratmaq üçün yaxşı bir fürsət olacaq.

Sərgi

#
#

ƏMƏLİYYAT İCRA OLUNUR